“Yaṁ kho, rādha, dukkhaṁ tatra te chando pahātabbo. Kiñca, rādha, dukkhaṁ? Cakkhu kho, rādha, dukkhaṁ. Tatra te chando pahātabbo. Rūpā … cakkhuviññāṇaṁ … cakkhusamphasso … yampidaṁ cakkhusamphassa …pe… adukkhamasukhaṁ vā tampi dukkhaṁ. Tatra te chando pahātabbo …pe… mano dukkho … dhammā … manoviññāṇaṁ … manosamphasso … yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi dukkhaṁ. Tatra te chando pahātabbo. Yaṁ kho, rādha, dukkhaṁ tatra te chando pahātabbo”ti. Catutthaṁ.