an10.175:0.1 Aṅguttara Nikāya 10.175 Numbered Discourses 10.175
an10.175:0.2 17. Jāṇussoṇivagga 17. With Jānussoṇi
an10.175:0.3 Parikkamanasutta The Bypass
an10.175:1.1 “Saparikkamano ayaṁ, bhikkhave, dhammo, nāyaṁ dhammo aparikkamano. “Mendicants, this teaching provides a bypass, it doesn’t lack a bypass.
an10.175:1.2 Kathañca, bhikkhave, saparikkamano ayaṁ dhammo, nāyaṁ dhammo aparikkamano? And how does this teaching provide a bypass, not lacking a bypass?
an10.175:1.3 Pāṇātipātissa, bhikkhave, pāṇātipātā veramaṇī parikkamanaṁ hoti. Not killing living creatures bypasses killing living creatures.
an10.175:1.4 Adinnādāyissa, bhikkhave, adinnādānā veramaṇī parikkamanaṁ hoti. Not stealing bypasses stealing.
an10.175:1.5 Kāmesumicchācārissa, bhikkhave, kāmesumicchācārā veramaṇī parikkamanaṁ hoti. Refraining from sexual misconduct bypasses sexual misconduct.
an10.175:1.6 Musāvādissa, bhikkhave, musāvādā veramaṇī parikkamanaṁ hoti. Not lying bypasses lying.
an10.175:1.7 Pisuṇavācassa, bhikkhave, pisuṇāya vācāya veramaṇī parikkamanaṁ hoti. Refraining from divisive speech bypasses divisive speech.
an10.175:1.8 Pharusavācassa, bhikkhave, pharusāya vācāya veramaṇī parikkamanaṁ hoti. Refraining from harsh speech bypasses harsh speech.
an10.175:1.9 Samphappalāpissa, bhikkhave, samphappalāpā veramaṇī parikkamanaṁ hoti. Refraining from talking nonsense bypasses talking nonsense.
an10.175:1.10 Abhijjhālussa, bhikkhave, anabhijjhā parikkamanaṁ hoti. Contentment bypasses covetousness.
an10.175:1.11 Byāpannacittassa, bhikkhave, abyāpādo parikkamanaṁ hoti. Good will bypasses ill will.
an10.175:1.12 Micchādiṭṭhissa, bhikkhave, sammādiṭṭhi parikkamanaṁ hoti. Right view bypasses wrong view.
an10.175:1.13 Evaṁ kho, bhikkhave, saparikkamano ayaṁ dhammo, nāyaṁ dhammo aparikkamano”ti. That’s how this teaching provides a bypass, it doesn’t lack a bypass.”
an10.175:1.14 Navamaṁ.