an4.201:0.1 |
Aṅguttara Nikāya 4.201 |
Numbered Discourses 4.201 |
an4.201:0.2 |
21. Sappurisavagga |
21. A True Person |
an4.201:0.3 |
Sikkhāpadasutta |
Training Rules |
an4.201:1.1 |
“Asappurisañca vo, bhikkhave, desessāmi, asappurisena asappurisatarañca; |
“Mendicants, I will teach you an untrue person and an even more untrue person, |
an4.201:1.2 |
sappurisañca, sappurisena sappurisatarañca. |
a true person and an even truer person. |
an4.201:1.3 |
Taṁ suṇātha, sādhukaṁ manasi karotha, bhāsissāmī”ti. |
Listen and apply your mind well, I will speak.” |
an4.201:1.4 |
“Evaṁ, bhante”ti kho te bhikkhū bhagavato paccassosuṁ. |
“Yes, sir,” they replied. |
an4.201:1.5 |
Bhagavā etadavoca: |
The Buddha said this: |
an4.201:2.1 |
“Katamo ca, bhikkhave, asappuriso? |
“And what is an untrue person? |
an4.201:2.2 |
Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti. |
It’s someone who kills living creatures, steals, commits sexual misconduct, lies, and consumes intoxicants of beer, wine, and liquor. |
an4.201:2.3 |
Ayaṁ vuccati, bhikkhave, asappuriso. |
This is called an untrue person. |
an4.201:3.1 |
Katamo ca, bhikkhave, asappurisena asappurisataro? |
And what is an even more untrue person? |
an4.201:3.2 |
Idha, bhikkhave, ekacco attanā ca pāṇātipātī hoti, parañca pāṇātipāte samādapeti; |
It’s someone who kills living creatures, steals, commits sexual misconduct, lies, and consumes intoxicants of beer, wine, and liquor. And they encourage others to do these things. |
an4.201:3.3 |
attanā ca adinnādāyī hoti, parañca adinnādāne samādapeti; |
|
an4.201:3.4 |
attanā ca kāmesumicchācārī hoti, parañca kāmesumicchācāre samādapeti; |
|
an4.201:3.5 |
attanā ca musāvādī hoti, parañca musāvāde samādapeti; |
|
an4.201:3.6 |
attanā ca surāmerayamajjapamādaṭṭhāyī hoti, parañca surāmerayamajjapamādaṭṭhāne samādapeti. |
|
an4.201:3.7 |
Ayaṁ vuccati, bhikkhave, asappurisena asappurisataro. |
This is called an even more untrue person. |
an4.201:4.1 |
Katamo ca, bhikkhave, sappuriso? |
And what is a true person? |
an4.201:4.2 |
Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti. |
It’s someone who doesn’t kill living creatures, steal, commit sexual misconduct, lie, or consume intoxicants of beer, wine, and liquor. |
an4.201:4.3 |
Ayaṁ vuccati, bhikkhave, sappuriso. |
This is called a true person. |
an4.201:5.1 |
Katamo ca, bhikkhave, sappurisena sappurisataro? |
And what is an even truer person? |
an4.201:5.2 |
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti; |
It’s someone who doesn’t kill living creatures, steal, commit sexual misconduct, lie, or consume intoxicants of beer, wine, and liquor. And they encourage others to refrain from these things. |
an4.201:5.3 |
attanā ca adinnādānā paṭivirato hoti, parañca adinnādānā veramaṇiyā samādapeti; |
|
an4.201:5.4 |
attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti; |
|
an4.201:5.5 |
attanā ca musāvādā paṭivirato hoti, parañca musāvādā veramaṇiyā samādapeti; |
|
an4.201:5.6 |
attanā ca surāmerayamajjapamādaṭṭhānā paṭivirato hoti, parañca surāmerayamajjapamādaṭṭhānā veramaṇiyā samādapeti. |
|
an4.201:5.7 |
Ayaṁ vuccati, bhikkhave, sappurisena sappurisataro”ti. |
This is called an even truer person.” |
an4.201:5.8 |
Paṭhamaṁ. |
|