an4.45:0.1 |
Aṅguttara Nikāya 4.45 |
Numbered Discourses 4.45 |
an4.45:0.2 |
5. Rohitassavagga |
5. With Rohitassa |
an4.45:0.3 |
Rohitassasutta |
With Rohitassa |
an4.45:1.1 |
Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. |
At one time the Buddha was staying near Sāvatthī in Jeta’s Grove, Anāthapiṇḍika’s monastery. |
an4.45:1.2 |
Atha kho rohitasso devaputto abhikkantāya rattiyā abhikkantavaṇṇo kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho rohitasso devaputto bhagavantaṁ etadavoca: |
Then, late at night, the glorious godling Rohitassa, lighting up the entire Jeta’s Grove, went up to the Buddha, bowed, stood to one side, and said to him: |
an4.45:2.1 |
“Yattha nu kho, bhante, na jāyati na jīyati na mīyati na cavati na upapajjati, sakkā nu kho so, bhante, gamanena lokassa anto ñātuṁ vā daṭṭhuṁ vā pāpuṇituṁ vā”ti? |
“Sir, is it possible to know or see or reach the end of the world by traveling to a place where there’s no being born, growing old, dying, passing away, or being reborn?” |
an4.45:2.2 |
“Yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī”ti. |
“Reverend, I say it’s not possible to know or see or reach the end of the world by traveling to a place where there’s no being born, growing old, dying, passing away, or being reborn.” |
an4.45:3.1 |
“Acchariyaṁ, bhante, abbhutaṁ, bhante. |
“It’s incredible, sir, it’s amazing, |
an4.45:3.2 |
Yāva subhāsitamidaṁ, bhante, bhagavatā: |
how well said this was by the Buddha. |
an4.45:3.3 |
‘yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī’”ti. |
|
an4.45:4.1 |
“Bhūtapubbāhaṁ, bhante, rohitasso nāma isi ahosiṁ bhojaputto iddhimā vehāsaṅgamo. |
Once upon a time, I was a seer named Rohitassa, son of the benefactors. I was a sky-walker with psychic powers. |
an4.45:4.2 |
Tassa mayhaṁ, bhante, evarūpo javo ahosi, seyyathāpi nāma daḷhadhammā dhanuggaho sikkhito katahattho katūpāsano lahukena asanena appakasirena tiriyaṁ tālacchāyaṁ atipāteyya. |
I was as fast as a light arrow easily shot across the shadow of a palm tree by a well-trained expert archer with a strong bow. |
an4.45:4.3 |
Tassa mayhaṁ, bhante, evarūpo padavītihāro ahosi, seyyathāpi nāma puratthimā samuddā pacchimo samuddo. |
My stride was such that it could span from the eastern ocean to the western ocean. |
an4.45:4.4 |
Tassa mayhaṁ, bhante, evarūpena javena samannāgatassa evarūpena ca padavītihārena evarūpaṁ icchāgataṁ uppajji: |
Having such speed and stride, this wish came to me: |
an4.45:4.5 |
‘ahaṁ gamanena lokassa antaṁ pāpuṇissāmī’ti. |
‘I will reach the end of the world by traveling.’ |
an4.45:4.6 |
So kho ahaṁ, bhante, aññatreva asitapītakhāyitasāyitā aññatra uccārapassāvakammā aññatra niddākilamathapaṭivinodanā vassasatāyuko vassasatajīvī vassasataṁ gantvā appatvāva lokassa antaṁ antarāyeva kālaṅkato. |
I traveled for my whole lifespan of a hundred years—pausing only to eat and drink, go to the toilet, and sleep to dispel weariness—and I passed away along the way, never reaching the end of the world. |
an4.45:5.1 |
Acchariyaṁ, bhante, abbhutaṁ, bhante. |
It’s incredible, sir, it’s amazing, |
an4.45:5.2 |
Yāva subhāsitamidaṁ, bhante, bhagavatā: |
how well said this was by the Buddha.” |
an4.45:5.3 |
‘yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyanti vadāmī’”ti. |
|
an4.45:6.1 |
“‘Yattha kho, āvuso, na jāyati na jīyati na mīyati na cavati na upapajjati, nāhaṁ taṁ gamanena lokassa antaṁ ñāteyyaṁ daṭṭheyyaṁ patteyyan’ti vadāmi. |
“Reverend, I say it’s not possible to know or see or reach the end of the world by traveling to a place where there’s no being born, growing old, dying, passing away, or being reborn. |
an4.45:6.2 |
Na cāhaṁ, āvuso, appatvāva lokassa antaṁ dukkhassa antakiriyaṁ vadāmi. |
But I also say there’s no making an end of suffering without reaching the end of the world. |
an4.45:6.3 |
Api cāhaṁ, āvuso, imasmiṁyeva byāmamatte kaḷevare sasaññimhi samanake lokañca paññāpemi lokasamudayañca lokanirodhañca lokanirodhagāminiñca paṭipadanti. |
For it is in this fathom-long carcass with its perception and mind that I describe the world, its origin, its cessation, and the practice that leads to its cessation. |
an4.45:7.1 |
Gamanena na pattabbo, |
The end of the world can never |
an4.45:7.2 |
lokassanto kudācanaṁ; |
be reached by traveling. |
an4.45:7.3 |
Na ca appatvā lokantaṁ, |
But without reaching the end of the world, |
an4.45:7.4 |
dukkhā atthi pamocanaṁ. |
there’s no release from suffering. |
an4.45:8.1 |
Tasmā have lokavidū sumedho, |
So an intelligent person, understanding the world, |
an4.45:8.2 |
Lokantagū vusitabrahmacariyo; |
has completed the spiritual journey and gone to the end of the world. |
an4.45:8.3 |
Lokassa antaṁ samitāvi ñatvā, |
Assuaged, knowing the end of the world, |
an4.45:8.4 |
Nāsīsatī lokamimaṁ parañcā”ti. |
they do not hope for this world or the next.” |
an4.45:8.5 |
Pañcamaṁ. |
|