an5.176:0.1 Aṅguttara Nikāya 5.176 Numbered Discourses 5.176
an5.176:0.2 18. Upāsakavagga 18. A Lay Follower
an5.176:0.3 Pītisutta Rapture
an5.176:1.1 Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca: Then the householder Anāthapiṇḍika, escorted by around five hundred lay followers, went up to the Buddha, bowed, and sat down to one side. The Buddha said to him:
an5.176:2.1 “Tumhe kho, gahapati, bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena. “Householders, you have supplied the mendicant Saṅgha with robes, almsfood, lodgings, and medicines and supplies for the sick.
an5.176:2.2 Na kho, gahapati, tāvatakeneva tuṭṭhi karaṇīyā: But you should not be content with just this much.
an5.176:2.3 ‘mayaṁ bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārenā’ti.  
an5.176:2.4 Tasmātiha, gahapati, evaṁ sikkhitabbaṁ: So you should train like this:
an5.176:2.5 ‘kinti mayaṁ kālena kālaṁ pavivekaṁ pītiṁ upasampajja vihareyyāmā’ti. ‘How can we, from time to time, enter and dwell in the rapture of seclusion?’
an5.176:2.6 Evañhi vo, gahapati, sikkhitabban”ti. That’s how you should train.”
an5.176:3.1 Evaṁ vutte, āyasmā sāriputto bhagavantaṁ etadavoca: When he said this, Venerable Sāriputta said to the Buddha,
an5.176:3.2 “acchariyaṁ, bhante, abbhutaṁ, bhante. “It’s incredible, sir, it’s amazing!
an5.176:3.3 Yāva subhāsitañcidaṁ, bhante, bhagavatā: How well said this was by the Buddha:
an5.176:3.4 ‘tumhe kho, gahapati, bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārena. ‘Householders, you have supplied the mendicant Saṅgha with robes, almsfood, lodgings, and medicines and supplies for the sick.
an5.176:3.5 Na kho, gahapati, tāvatakeneva tuṭṭhi karaṇīyā— But you should not be content with just this much.
an5.176:3.6 mayaṁ bhikkhusaṅghaṁ paccupaṭṭhitā cīvarapiṇḍapātasenāsanagilānappaccayabhesajjaparikkhārenāti.  
an5.176:3.7 Tasmātiha, gahapati, evaṁ sikkhitabbaṁ— So you should train like this:
an5.176:3.8 kinti mayaṁ kālena kālaṁ pavivekaṁ pītiṁ upasampajja vihareyyāmāti. “How can we, from time to time, enter and dwell in the rapture of seclusion?”
an5.176:3.9 Evañhi vo, gahapati, sikkhitabban’ti. That’s how you should train.’
an5.176:3.10 Yasmiṁ, bhante, samaye ariyasāvako pavivekaṁ pītiṁ upasampajja viharati, pañcassa ṭhānāni tasmiṁ samaye na honti. At a time when a noble disciple enters and dwells in the rapture of seclusion, five things aren’t present in him.
an5.176:3.11 Yampissa kāmūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with sensual pleasures.
an5.176:3.12 Yampissa kāmūpasaṁhitaṁ sukhaṁ somanassaṁ, tampissa tasmiṁ samaye na hoti. The pleasure and happiness connected with sensual pleasures.
an5.176:3.13 Yampissa akusalūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with the unskillful.
an5.176:3.14 Yampissa akusalūpasaṁhitaṁ sukhaṁ somanassaṁ, tampissa tasmiṁ samaye na hoti. The pleasure and happiness connected with the unskillful.
an5.176:3.15 Yampissa kusalūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with the skillful.
an5.176:3.16 Yasmiṁ, bhante, samaye ariyasāvako pavivekaṁ pītiṁ upasampajja viharati, imānissa pañca ṭhānāni tasmiṁ samaye na hontī”ti. At a time when a noble disciple enters and dwells in the rapture of seclusion, these five things aren’t present in him.”
an5.176:4.1 “Sādhu sādhu, sāriputta. “Good, good, Sāriputta!
an5.176:4.2 Yasmiṁ, sāriputta, samaye ariyasāvako pavivekaṁ pītiṁ upasampajja viharati, pañcassa ṭhānāni tasmiṁ samaye na honti. At a time when a noble disciple enters and dwells in the rapture of seclusion, five things aren’t present in him.
an5.176:4.3 Yampissa kāmūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with sensual pleasures.
an5.176:4.4 Yampissa kāmūpasaṁhitaṁ sukhaṁ somanassaṁ, tampissa tasmiṁ samaye na hoti. The pleasure and happiness connected with sensual pleasures.
an5.176:4.5 Yampissa akusalūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with the unskillful.
an5.176:4.6 Yampissa akusalūpasaṁhitaṁ sukhaṁ somanassaṁ, tampissa tasmiṁ samaye na hoti. The pleasure and happiness connected with the unskillful.
an5.176:4.7 Yampissa kusalūpasaṁhitaṁ dukkhaṁ domanassaṁ, tampissa tasmiṁ samaye na hoti. The pain and sadness connected with the skillful.
an5.176:4.8 Yasmiṁ, sāriputta, samaye ariyasāvako pavivekaṁ pītiṁ upasampajja viharati, imānissa pañca ṭhānāni tasmiṁ samaye na hontī”ti. At a time when a noble disciple enters and dwells in the rapture of seclusion, these five things aren’t present in him.”
an5.176:4.9 Chaṭṭhaṁ.