sn12.65:0.1 |
Saṁyutta Nikāya 12.65 |
Linked Discourses 12.65 |
sn12.65:0.2 |
7. Mahāvagga |
7. The Great Chapter |
sn12.65:0.3 |
Nagarasutta |
The City |
sn12.65:1.1 |
Sāvatthiyaṁ viharati. |
At Sāvatthī. |
sn12.65:1.2 |
“Pubbe me, bhikkhave, sambodhā anabhisambuddhassa bodhisattasseva sato etadahosi: |
“Mendicants, before my awakening—when I was still unawakened but intent on awakening—I thought: |
sn12.65:1.3 |
‘kicchā vatāyaṁ loko āpanno jāyati ca jīyati ca mīyati ca cavati ca upapajjati ca. |
‘Alas, this world has fallen into trouble. It’s born, grows old, dies, passes away, and is reborn, |
sn12.65:1.4 |
Atha ca panimassa dukkhassa nissaraṇaṁ nappajānāti jarāmaraṇassa. |
yet it doesn’t understand how to escape from this suffering, from old age and death. |
sn12.65:1.5 |
Kudāssu nāma imassa dukkhassa nissaraṇaṁ paññāyissati jarāmaraṇassā’ti? |
Oh, when will an escape be found from this suffering, from old age and death?’ |
sn12.65:1.6 |
Tassa mayhaṁ, bhikkhave, etadahosi: |
Then it occurred to me: |
sn12.65:1.7 |
‘kimhi nu kho sati jarāmaraṇaṁ hoti, kiṁpaccayā jarāmaraṇan’ti? |
‘When what exists is there old age and death? What is a requirement for old age and death?’ |
sn12.65:1.8 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:1.9 |
‘jātiyā kho sati jarāmaraṇaṁ hoti, jātipaccayā jarāmaraṇan’ti. |
‘When rebirth exists there’s old age and death. Rebirth is a requirement for old age and death.’ |
sn12.65:2.1 |
Tassa mayhaṁ, bhikkhave, etadahosi: |
Then it occurred to me: |
sn12.65:2.2 |
‘kimhi nu kho sati jāti hoti …pe… |
‘When what exists is there rebirth? … |
sn12.65:2.3 |
bhavo hoti … |
continued existence … |
sn12.65:2.4 |
upādānaṁ hoti … |
grasping … |
sn12.65:2.5 |
taṇhā hoti … |
craving … |
sn12.65:2.6 |
vedanā hoti … |
feeling … |
sn12.65:2.7 |
phasso hoti … |
contact … |
sn12.65:2.8 |
saḷāyatanaṁ hoti … |
the six sense fields … |
sn12.65:2.9 |
nāmarūpaṁ hoti … |
name and form … |
sn12.65:2.10 |
kiṁpaccayā nāmarūpan’ti? |
What is a requirement for name and form?’ |
sn12.65:2.11 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:2.12 |
‘viññāṇe kho sati nāmarūpaṁ hoti, viññāṇapaccayā nāmarūpan’ti. |
‘When consciousness exists there are name and form. Consciousness is a requirement for name and form.’ |
sn12.65:2.13 |
Tassa mayhaṁ, bhikkhave, etadahosi: |
Then it occurred to me: |
sn12.65:2.14 |
‘kimhi nu kho sati viññāṇaṁ hoti, kiṁpaccayā viññāṇan’ti? |
‘When what exists is there consciousness? What is a requirement for consciousness?’ |
sn12.65:2.15 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:2.16 |
‘nāmarūpe kho sati viññāṇaṁ hoti, nāmarūpapaccayā viññāṇan’ti. |
‘When name and form exist there’s consciousness. Name and form are requirements for consciousness.’ |
sn12.65:3.1 |
Tassa mayhaṁ, bhikkhave, etadahosi— |
Then it occurred to me: |
sn12.65:3.2 |
paccudāvattati kho idaṁ viññāṇaṁ nāmarūpamhā na paraṁ gacchati. |
This consciousness turns back from name and form, and doesn’t go beyond that. |
sn12.65:3.3 |
Ettāvatā jāyetha vā jīyetha vā mīyetha vā cavetha vā upapajjetha vā, yadidaṁ nāmarūpapaccayā viññāṇaṁ; |
This is the extent to which one may be reborn, grow old, die, pass away, or reappear. That is: name and form are requirements for consciousness. |
sn12.65:3.4 |
viññāṇapaccayā nāmarūpaṁ; |
Consciousness is a requirement for name and form. |
sn12.65:3.5 |
nāmarūpapaccayā saḷāyatanaṁ; |
Name and form are requirements for the six sense fields. |
sn12.65:3.6 |
saḷāyatanapaccayā phasso …pe… |
The six sense fields are requirements for contact. … |
sn12.65:3.7 |
evametassa kevalassa dukkhakkhandhassa samudayo hoti. |
That is how this entire mass of suffering originates. |
sn12.65:3.8 |
‘Samudayo, samudayo’ti kho me, bhikkhave, pubbe ananussutesu dhammesu cakkhuṁ udapādi ñāṇaṁ udapādi paññā udapādi vijjā udapādi āloko udapādi. |
‘Origination, origination.’ Such was the vision, knowledge, wisdom, realization, and light that arose in me regarding teachings not learned before from another. |
sn12.65:4.1 |
Tassa mayhaṁ, bhikkhave, etadahosi: |
Then it occurred to me: |
sn12.65:4.2 |
‘kimhi nu kho asati, jarāmaraṇaṁ na hoti; |
‘When what doesn’t exist is there no old age and death? |
sn12.65:4.3 |
kissa nirodhā jarāmaraṇanirodho’ti? |
When what ceases do old age and death cease?’ |
sn12.65:4.4 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:4.5 |
‘jātiyā kho asati, jarāmaraṇaṁ na hoti; |
‘When rebirth doesn’t exist there is no old age and death. |
sn12.65:4.6 |
jātinirodhā jarāmaraṇanirodho’ti. |
When rebirth ceases old age and death cease.’ |
sn12.65:4.7 |
Tassa mayhaṁ, bhikkhave, etadahosi: |
Then it occurred to me: |
sn12.65:4.8 |
‘kimhi nu kho asati jāti na hoti …pe… |
‘When what doesn’t exist is there no rebirth … |
sn12.65:4.9 |
bhavo na hoti … |
continued existence … |
sn12.65:4.10 |
upādānaṁ na hoti … |
grasping … |
sn12.65:4.11 |
taṇhā na hoti … |
craving … |
sn12.65:4.12 |
vedanā na hoti … |
feeling … |
sn12.65:4.13 |
phasso na hoti … |
contact … |
sn12.65:4.14 |
saḷāyatanaṁ na hoti … |
six sense fields … |
sn12.65:4.15 |
nāmarūpaṁ na hoti. |
name and form? |
sn12.65:4.16 |
Kissa nirodhā nāmarūpanirodho’ti? |
When what ceases do name and form cease?’ |
sn12.65:4.17 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:4.18 |
‘viññāṇe kho asati, nāmarūpaṁ na hoti; |
‘When consciousness doesn’t exist there is no name and form. |
sn12.65:4.19 |
viññāṇanirodhā nāmarūpanirodho’ti. |
When consciousness ceases name and form cease.’ |
sn12.65:5.1 |
Tassa mayhaṁ, bhikkhave, etadahosi: |
Then it occurred to me: |
sn12.65:5.2 |
‘kimhi nu kho asati viññāṇaṁ na hoti; |
‘When what doesn’t exist is there no consciousness? |
sn12.65:5.3 |
kissa nirodhā viññāṇanirodho’ti? |
When what ceases does consciousness cease?’ |
sn12.65:5.4 |
Tassa mayhaṁ, bhikkhave, yoniso manasikārā ahu paññāya abhisamayo: |
Then, through rational application of mind, I penetrated with wisdom: |
sn12.65:5.5 |
‘nāmarūpe kho asati, viññāṇaṁ na hoti; |
‘When name and form don’t exist, there is no consciousness. |
sn12.65:5.6 |
nāmarūpanirodhā viññāṇanirodho’ti. |
When name and form cease, consciousness ceases.’ |
sn12.65:6.1 |
Tassa mayhaṁ, bhikkhave, etadahosi— |
Then it occurred to me: |
sn12.65:6.2 |
adhigato kho myāyaṁ maggo bodhāya yadidaṁ— |
I have discovered the path to awakening. That is: |
sn12.65:6.3 |
nāmarūpanirodhā viññāṇanirodho; |
When name and form cease, consciousness ceases. |
sn12.65:6.4 |
viññāṇanirodhā nāmarūpanirodho; |
When consciousness ceases, name and form cease. |
sn12.65:6.5 |
nāmarūpanirodhā saḷāyatananirodho; |
When name and form cease, the six sense fields cease. |
sn12.65:6.6 |
saḷāyatananirodhā phassanirodho …pe… |
When the six sense fields cease, contact ceases. … |
sn12.65:6.7 |
evametassa kevalassa dukkhakkhandhassa nirodho hoti. |
That is how this entire mass of suffering ceases. |
sn12.65:6.8 |
‘Nirodho, nirodho’ti kho me, bhikkhave, pubbe ananussutesu dhammesu cakkhuṁ udapādi ñāṇaṁ udapādi paññā udapādi vijjā udapādi āloko udapādi. |
‘Cessation, cessation.’ Such was the vision, knowledge, wisdom, realization, and light that arose in me regarding teachings not learned before from another. |
sn12.65:7.1 |
Seyyathāpi, bhikkhave, puriso araññe pavane caramāno passeyya purāṇaṁ maggaṁ purāṇañjasaṁ pubbakehi manussehi anuyātaṁ. |
Suppose a person was walking through a forest. They’d see an ancient path, an ancient route traveled by humans in the past. |
sn12.65:7.2 |
So tamanugaccheyya. |
Following it along, |
sn12.65:7.3 |
Tamanugacchanto passeyya purāṇaṁ nagaraṁ purāṇaṁ rājadhāniṁ pubbakehi manussehi ajjhāvuṭṭhaṁ ārāmasampannaṁ vanasampannaṁ pokkharaṇīsampannaṁ uddhāpavantaṁ ramaṇīyaṁ. |
they’d see an ancient city, an ancient capital, inhabited by humans in the past. It was lovely, complete with parks, groves, lotus ponds, and embankments. |
sn12.65:7.4 |
Atha kho so, bhikkhave, puriso rañño vā rājamahāmattassa vā āroceyya: |
Then that person would inform a king or their chief minister: |
sn12.65:7.5 |
‘yagghe, bhante, jāneyyāsi—ahaṁ addasaṁ araññe pavane caramāno purāṇaṁ maggaṁ purāṇañjasaṁ pubbakehi manussehi anuyātaṁ tamanugacchiṁ. |
‘Please sir, you should know this. While walking through a forest I saw an ancient path, an ancient route traveled by humans in the past. |
sn12.65:7.6 |
Tamanugacchanto addasaṁ purāṇaṁ nagaraṁ purāṇaṁ rājadhāniṁ pubbakehi manussehi ajjhāvuṭṭhaṁ ārāmasampannaṁ vanasampannaṁ pokkharaṇīsampannaṁ uddhāpavantaṁ ramaṇīyaṁ. |
Following it along I saw an ancient city, an ancient capital, inhabited by humans in the past. It was lovely, complete with parks, groves, lotus ponds, and embankments. |
sn12.65:7.7 |
Taṁ, bhante, nagaraṁ māpehī’ti. |
Sir, you should rebuild that city!’ |
sn12.65:7.8 |
Atha kho so, bhikkhave, rājā vā rājamahāmatto vā taṁ nagaraṁ māpeyya. |
Then that king or their chief minister would have that city rebuilt. |
sn12.65:7.9 |
Tadassa nagaraṁ aparena samayena iddhañceva phītañca bāhujaññaṁ ākiṇṇamanussaṁ vuddhivepullappattaṁ. |
And after some time that city was successful and prosperous, populous and full of people, attained to growth and expansion. |
sn12.65:7.10 |
Evameva khvāhaṁ, bhikkhave, addasaṁ purāṇaṁ maggaṁ purāṇañjasaṁ pubbakehi sammāsambuddhehi anuyātaṁ. |
In the same way, I saw an ancient path, an ancient route traveled by fully awakened Buddhas in the past. |
sn12.65:8.1 |
Katamo ca so, bhikkhave, purāṇamaggo purāṇañjaso pubbakehi sammāsambuddhehi anuyāto? |
And what is that ancient path, the ancient route traveled by fully awakened Buddhas in the past? |
sn12.65:8.2 |
Ayameva ariyo aṭṭhaṅgiko maggo, seyyathidaṁ— |
It is simply this noble eightfold path, that is: |
sn12.65:8.3 |
sammādiṭṭhi …pe… sammāsamādhi. |
right view, right purpose, right speech, right action, right livelihood, right effort, right mindfulness, and right immersion. |
sn12.65:8.4 |
Ayaṁ kho so, bhikkhave, purāṇamaggo purāṇañjaso pubbakehi sammāsambuddhehi anuyāto, tamanugacchiṁ; |
This is that ancient path, the ancient route traveled by fully awakened Buddhas in the past. |
sn12.65:8.5 |
tamanugacchanto jarāmaraṇaṁ abbhaññāsiṁ; |
Following it along, I directly knew old age and death, |
sn12.65:8.6 |
jarāmaraṇasamudayaṁ abbhaññāsiṁ; |
their origin, |
sn12.65:8.7 |
jarāmaraṇanirodhaṁ abbhaññāsiṁ; |
their cessation, |
sn12.65:8.8 |
jarāmaraṇanirodhagāminiṁ paṭipadaṁ abbhaññāsiṁ. |
and the practice that leads to their cessation. |
sn12.65:8.9 |
Tamanugacchiṁ; |
|
sn12.65:8.10 |
tamanugacchanto jātiṁ abbhaññāsiṁ …pe… |
Following it along, I directly knew rebirth … |
sn12.65:8.11 |
bhavaṁ abbhaññāsiṁ … |
continued existence … |
sn12.65:8.12 |
upādānaṁ abbhaññāsiṁ … |
grasping … |
sn12.65:8.13 |
taṇhaṁ abbhaññāsiṁ … |
craving … |
sn12.65:8.14 |
vedanaṁ abbhaññāsiṁ … |
feeling … |
sn12.65:8.15 |
phassaṁ abbhaññāsiṁ … |
contact … |
sn12.65:8.16 |
saḷāyatanaṁ abbhaññāsiṁ … |
the six sense fields … |
sn12.65:8.17 |
nāmarūpaṁ abbhaññāsiṁ … |
name and form … |
sn12.65:8.18 |
viññāṇaṁ abbhaññāsiṁ. |
consciousness … |
sn12.65:8.19 |
Tamanugacchiṁ; |
|
sn12.65:8.20 |
tamanugacchanto saṅkhāre abbhaññāsiṁ; |
Following it along, I directly knew choices, |
sn12.65:8.21 |
saṅkhārasamudayaṁ abbhaññāsiṁ; |
their origin, |
sn12.65:8.22 |
saṅkhāranirodhaṁ abbhaññāsiṁ; |
their cessation, |
sn12.65:8.23 |
saṅkhāranirodhagāminiṁ paṭipadaṁ abbhaññāsiṁ. |
and the practice that leads to their cessation. |
sn12.65:8.24 |
Tadabhiññāya ācikkhiṁ bhikkhūnaṁ bhikkhunīnaṁ upāsakānaṁ upāsikānaṁ. |
Having directly known this, I told the monks, nuns, laymen, and laywomen. |
sn12.65:8.25 |
Tayidaṁ, bhikkhave, brahmacariyaṁ iddhañceva phītañca vitthārikaṁ bāhujaññaṁ puthubhūtaṁ yāva devamanussehi suppakāsitan”ti. |
And that’s how this spiritual life has become successful and prosperous, extensive, popular, widespread, and fully revealed among gods and humans.” |
sn12.65:8.26 |
Pañcamaṁ. |
|