sn14.15:0.1 Saṁyutta Nikāya 14.15 Linked Discourses 14.15
sn14.15:0.2 2. Dutiyavagga Chapter Two
sn14.15:0.3 Caṅkamasutta Walking Together
sn14.15:1.1 Ekaṁ samayaṁ bhagavā rājagahe viharati gijjhakūṭe pabbate. At one time the Buddha was staying near Rājagaha, on the Vulture’s Peak Mountain.
sn14.15:1.2 Tena kho pana samayena āyasmā sāriputto sambahulehi bhikkhūhi saddhiṁ bhagavato avidūre caṅkamati; Now at that time Venerable Sāriputta was walking together with several mendicants not far from the Buddha.
sn14.15:1.3 āyasmāpi kho mahāmoggallāno sambahulehi bhikkhūhi saddhiṁ bhagavato avidūre caṅkamati; Venerable Mahāmoggallāna was doing likewise, as were
sn14.15:1.4 āyasmāpi kho mahākassapo sambahulehi bhikkhūhi saddhiṁ bhagavato avidūre caṅkamati; Venerable Mahākassapa,
sn14.15:1.5 āyasmāpi kho anuruddho sambahulehi bhikkhūhi saddhiṁ bhagavato avidūre caṅkamati; Venerable Anuruddha,
sn14.15:1.6 āyasmāpi kho puṇṇo mantāniputto sambahulehi bhikkhūhi saddhiṁ bhagavato avidūre caṅkamati; Venerable Puṇṇa son of Mantāṇī,
sn14.15:1.7 āyasmāpi kho upāli sambahulehi bhikkhūhi saddhiṁ bhagavato avidūre caṅkamati; Venerable Upāli,
sn14.15:1.8 āyasmāpi kho ānando sambahulehi bhikkhūhi saddhiṁ bhagavato avidūre caṅkamati; Venerable Ānanda,
sn14.15:1.9 devadattopi kho sambahulehi bhikkhūhi saddhiṁ bhagavato avidūre caṅkamati. and Devadatta.
sn14.15:2.1 Atha kho bhagavā bhikkhū āmantesi: Then the Buddha said to the mendicants,
sn14.15:2.2 “passatha no tumhe, bhikkhave, sāriputtaṁ sambahulehi bhikkhūhi saddhiṁ caṅkamantan”ti? “Mendicants, do you see Sāriputta walking together with several mendicants?”
sn14.15:2.3 “Evaṁ, bhante”. “Yes, sir.”
sn14.15:2.4 “Sabbe kho ete, bhikkhave, bhikkhū mahāpaññā. “All of those mendicants have great wisdom.
sn14.15:2.5 Passatha no tumhe, bhikkhave, moggallānaṁ sambahulehi bhikkhūhi saddhiṁ caṅkamantan”ti? Do you see Moggallāna walking together with several mendicants?”
sn14.15:2.6 “Evaṁ, bhante”. “Yes, sir.”
sn14.15:2.7 “Sabbe kho ete, bhikkhave, bhikkhū mahiddhikā. “All of those mendicants have great psychic power.
sn14.15:2.8 Passatha no tumhe, bhikkhave, kassapaṁ sambahulehi bhikkhūhi saddhiṁ caṅkamantan”ti? Do you see Kassapa walking together with several mendicants?”
sn14.15:2.9 “Evaṁ, bhante”. “Yes, sir.”
sn14.15:2.10 “Sabbe kho ete, bhikkhave, bhikkhū dhutavādā. “All of those mendicants advocate austerities.
sn14.15:2.11 Passatha no tumhe, bhikkhave, anuruddhaṁ sambahulehi bhikkhūhi saddhiṁ caṅkamantan”ti? Do you see Anuruddha walking together with several mendicants?”
sn14.15:2.12 “Evaṁ, bhante”. “Yes, sir.”
sn14.15:2.13 “Sabbe kho ete, bhikkhave, bhikkhū dibbacakkhukā. “All of those mendicants have clairvoyance.
sn14.15:2.14 Passatha no tumhe, bhikkhave, puṇṇaṁ mantāniputtaṁ sambahulehi bhikkhūhi saddhiṁ caṅkamantan”ti? Do you see Puṇṇa son of Mantāṇī walking together with several mendicants?”
sn14.15:2.15 “Evaṁ, bhante”. “Yes, sir.”
sn14.15:2.16 “Sabbe kho ete, bhikkhave, bhikkhū dhammakathikā. “All of those mendicants are Dhamma speakers.
sn14.15:2.17 Passatha no tumhe, bhikkhave, upāliṁ sambahulehi bhikkhūhi saddhiṁ caṅkamantan”ti? Do you see Upāli walking together with several mendicants?”
sn14.15:2.18 “Evaṁ, bhante”. “Yes, sir.”
sn14.15:2.19 “Sabbe kho ete, bhikkhave, bhikkhū vinayadharā. “All of those mendicants are experts in monastic law.
sn14.15:2.20 Passatha no tumhe, bhikkhave, ānandaṁ sambahulehi bhikkhūhi saddhiṁ caṅkamantan”ti? Do you see Ānanda walking together with several mendicants?”
sn14.15:2.21 “Evaṁ, bhante”. “Yes, sir.”
sn14.15:2.22 “Sabbe kho ete, bhikkhave, bhikkhū bahussutā. “All of those mendicants are very learned.
sn14.15:2.23 Passatha no tumhe, bhikkhave, devadattaṁ sambahulehi bhikkhūhi saddhiṁ caṅkamantan”ti? Do you see Devadatta walking together with several mendicants?”
sn14.15:2.24 “Evaṁ, bhante”. “Yes, sir.”
sn14.15:2.25 “Sabbe kho ete, bhikkhave, bhikkhū pāpicchā. “All of those mendicants have corrupt wishes.
sn14.15:3.1 Dhātusova, bhikkhave, sattā saṁsandanti samenti. Sentient beings join together and converge because of an element.
sn14.15:3.2 Hīnādhimuttikā hīnādhimuttikehi saddhiṁ saṁsandanti samenti; Those who have inferior convictions join together and converge with those who have inferior convictions.
sn14.15:3.3 kalyāṇādhimuttikā kalyāṇādhimuttikehi saddhiṁ saṁsandanti samenti. Those who have good convictions join together and converge with those who have good convictions.
sn14.15:3.4 Atītampi kho, bhikkhave, addhānaṁ dhātusova sattā saṁsandiṁsu samiṁsu. In the past,
sn14.15:3.5 Hīnādhimuttikā hīnādhimuttikehi saddhiṁ saṁsandiṁsu samiṁsu;  
sn14.15:3.6 kalyāṇādhimuttikā kalyāṇādhimuttikehi saddhiṁ saṁsandiṁsu samiṁsu.  
sn14.15:4.1 Anāgatampi kho, bhikkhave, addhānaṁ dhātusova sattā saṁsandissanti samessanti. in the future,
sn14.15:4.2 Hīnādhimuttikā hīnādhimuttikehi saddhiṁ saṁsandissanti samessanti;  
sn14.15:4.3 kalyāṇādhimuttikā kalyāṇādhimuttikehi saddhiṁ saṁsandissanti samessanti.  
sn14.15:5.1 Etarahipi kho, bhikkhave, paccuppannaṁ addhānaṁ dhātusova sattā saṁsandanti samenti. and also in the present, sentient beings join together and converge because of an element.
sn14.15:5.2 Hīnādhimuttikā hīnādhimuttikehi saddhiṁ saṁsandanti samenti; Those who have inferior convictions join together and converge with those who have inferior convictions.
sn14.15:5.3 kalyāṇādhimuttikā kalyāṇādhimuttikehi saddhiṁ saṁsandanti samentī”ti. Those who have good convictions join together and converge with those who have good convictions.”
sn14.15:5.4 Pañcamaṁ.