sn17.35:0.1 Saṁyutta Nikāya 17.35 Linked Discourses 17.35
sn17.35:0.2 4. Catutthavagga Chapter Four
sn17.35:0.3 Acirapakkantasutta Shortly After He Left
sn17.35:1.1 Ekaṁ samayaṁ bhagavā rājagahe viharati gijjhakūṭe pabbate acirapakkante devadatte. At one time the Buddha was staying near Rājagaha, on the Vulture’s Peak Mountain, not long after Devadatta had left.
sn17.35:1.2 Tatra kho bhagavā devadattaṁ ārabbha bhikkhū āmantesi: There the Buddha spoke to the mendicants about Devadatta:
sn17.35:1.3 “attavadhāya, bhikkhave, devadattassa lābhasakkārasiloko udapādi, parābhavāya devadattassa lābhasakkārasiloko udapādi. “Possessions, honor, and popularity came to Devadatta for his own ruin and downfall.
sn17.35:2.1 Seyyathāpi, bhikkhave, kadalī attavadhāya phalaṁ deti, parābhavāya phalaṁ deti; It’s like a banana plant …
sn17.35:2.2 evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.  
sn17.35:3.1 Seyyathāpi, bhikkhave, veḷu attavadhāya phalaṁ deti, parābhavāya phalaṁ deti; or a bamboo …
sn17.35:3.2 evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.  
sn17.35:4.1 Seyyathāpi, bhikkhave, naḷo attavadhāya phalaṁ deti, parābhavāya phalaṁ deti; or a reed, all of which bear fruit to their own ruin and downfall …
sn17.35:4.2 evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.  
sn17.35:5.1 Seyyathāpi, bhikkhave, assatarī attavadhāya gabbhaṁ gaṇhāti, parābhavāya gabbhaṁ gaṇhāti; It’s like a mule, which becomes pregnant to its own ruin and downfall.
sn17.35:5.2 evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi. In the same way, possessions, honor, and popularity came to Devadatta for his own ruin and downfall.
sn17.35:5.3 Evaṁ dāruṇo kho, bhikkhave, lābhasakkārasiloko. So grim are possessions, honor, and popularity.
sn17.35:5.4 Evañhi vo, bhikkhave, sikkhitabban”ti. That’s how you should train.”
sn17.35:6.1 Idamavoca bhagavā. That is what the Buddha said.
sn17.35:6.2 Idaṁ vatvāna sugato athāparaṁ etadavoca satthā: Then the Holy One, the Teacher, went on to say:
sn17.35:7.1 “Phalaṁ ve kadaliṁ hanti, “The banana plant is destroyed by its own fruit,
sn17.35:7.2 phalaṁ veḷuṁ phalaṁ naḷaṁ; as are the bamboo and the reed.
sn17.35:7.3 Sakkāro kāpurisaṁ hanti, Honor destroys a reprobate,
sn17.35:7.4 gabbho assatariṁ yathā”ti. as pregnancy destroys a mule.”
sn17.35:7.5 Pañcamaṁ.