sn20.8:0.1 Saṁyutta Nikāya 20.8 Linked Discourses 20.8
sn20.8:0.2 1. Opammavagga 1. Similes
sn20.8:0.3 Kaliṅgarasutta Wood Blocks
sn20.8:1.1 Evaṁ me sutaṁ— So I have heard.
sn20.8:1.2 ekaṁ samayaṁ bhagavā vesāliyaṁ viharati mahāvane kūṭāgārasālāyaṁ. At one time the Buddha was staying near Vesālī, at the Great Wood, in the hall with the peaked roof.
sn20.8:1.3 Tatra kho bhagavā bhikkhū āmantesi: There the Buddha addressed the mendicants,
sn20.8:1.4 “bhikkhavo”ti. “Mendicants!”
sn20.8:1.5 “Bhadante”ti te bhikkhū bhagavato paccassosuṁ. “Venerable sir,” they replied.
sn20.8:1.6 Bhagavā etadavoca: The Buddha said this:
sn20.8:2.1 “Kaliṅgarūpadhānā, bhikkhave, etarahi licchavī viharanti appamattā ātāpino upāsanasmiṁ. “Mendicants, these days the Licchavis live using wood blocks as pillows, and they exercise diligently and keenly.
sn20.8:2.2 Tesaṁ rājā māgadho ajātasattu vedehiputto na labhati otāraṁ na labhati ārammaṇaṁ. King Ajātasattu of Magadha, son of the princess of Videha, finds no vulnerability, he’s got no opportunity.
sn20.8:2.3 Bhavissanti, bhikkhave, anāgatamaddhānaṁ licchavī sukhumālā mudutalunahatthapādā But in the future the Licchavis will become delicate, with soft and tender hands and feet.
sn20.8:2.4 te mudukāsu seyyāsu tūlabibbohanāsu yāvasūriyuggamanā seyyaṁ kappissanti. They’ll sleep on soft beds with down pillows until the sun comes up.
sn20.8:2.5 Tesaṁ rājā māgadho ajātasattu vedehiputto lacchati otāraṁ lacchati ārammaṇaṁ. King Ajātasattu of Magadha, son of the princess of Videha, will find a vulnerability and get an opportunity.
sn20.8:3.1 Kaliṅgarūpadhānā, bhikkhave, etarahi bhikkhū viharanti appamattā ātāpino padhānasmiṁ. These days the mendicants live using wood blocks as pillows, and they meditate diligently and keenly.
sn20.8:3.2 Tesaṁ māro pāpimā na labhati otāraṁ na labhati ārammaṇaṁ. Māra the Wicked finds no vulnerability, he’s got no opportunity.
sn20.8:3.3 Bhavissanti, bhikkhave, anāgatamaddhānaṁ bhikkhū sukhumā mudutalunahatthapādā. But in the future the mendicants will become delicate, with soft and tender hands and feet.
sn20.8:3.4 Te mudukāsu seyyāsu tūlabibbohanāsu yāvasūriyuggamanā seyyaṁ kappissanti. They’ll sleep on soft beds with down pillows until the sun comes up.
sn20.8:3.5 Tesaṁ māro pāpimā lacchati otāraṁ lacchati ārammaṇaṁ. Māra the Wicked will find a vulnerability and get an opportunity.
sn20.8:3.6 Tasmātiha, bhikkhave, evaṁ sikkhitabbaṁ: So you should train like this:
sn20.8:3.7 ‘kaliṅgarūpadhānā viharissāma appamattā ātāpino padhānasmin’ti. ‘We will live using wood blocks as pillows, and we will meditate diligently and keenly.’
sn20.8:3.8 Evañhi vo, bhikkhave, sikkhitabban”ti. That’s how you should train.”
sn20.8:3.9 Aṭṭhamaṁ.