sn21.10:0.1 |
Saṁyutta Nikāya 21.10 |
Linked Discourses 21.10 |
sn21.10:0.2 |
1. Bhikkhuvagga |
1. Monks |
sn21.10:0.3 |
Theranāmakasutta |
Senior In Name Only |
sn21.10:1.1 |
Ekaṁ samayaṁ bhagavā rājagahe viharati veḷuvane kalandakanivāpe. |
At one time the Buddha was staying near Rājagaha in the Bamboo Grove, the squirrels’ feeding ground. |
sn21.10:1.2 |
Tena kho pana samayena aññataro bhikkhu theranāmako ekavihārī ceva hoti ekavihārassa ca vaṇṇavādī. |
Now at that time there was a certain mendicant who was Senior in name only. He lived alone and praised living alone. |
sn21.10:1.3 |
So eko gāmaṁ piṇḍāya pavisati eko paṭikkamati eko raho nisīdati eko caṅkamaṁ adhiṭṭhāti. |
He entered the village for alms alone, returned alone, sat in private alone, and focussed on walking mindfully alone. |
sn21.10:1.4 |
Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: |
Then several mendicants went up to the Buddha, bowed, sat down to one side, and said to him, |
sn21.10:1.5 |
“idha, bhante, aññataro bhikkhu theranāmako ekavihārī ekavihārassa ca vaṇṇavādī”ti. |
“Sir, there’s a certain mendicant who is Senior in name only. He lives alone and praises living alone.” |
sn21.10:2.1 |
Atha kho bhagavā aññataraṁ bhikkhuṁ āmantesi: |
So the Buddha addressed one of the monks, |
sn21.10:2.2 |
“ehi tvaṁ, bhikkhu, mama vacanena theraṁ bhikkhuṁ āmantehi: |
“Please, monk, in my name tell the mendicant Senior that |
sn21.10:2.3 |
‘satthā taṁ, āvuso thera, āmantetī’”ti. |
the Teacher summons him.” |
sn21.10:2.4 |
“Evaṁ, bhante”ti kho so bhikkhu bhagavato paṭissutvā yenāyasmā thero tenupasaṅkami; upasaṅkamitvā āyasmantaṁ theraṁ etadavoca: |
“Yes, sir,” that monk replied. He went to Venerable Senior and said to him, |
sn21.10:2.5 |
“satthā taṁ, āvuso thera, āmantetī”ti. |
“Reverend Senior, the Teacher summons you.” |
sn21.10:2.6 |
“Evamāvuso”ti kho āyasmā thero tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ theraṁ bhagavā etadavoca: |
“Yes, reverend,” that monk replied. He went to the Buddha, bowed, and sat down to one side. The Buddha said to him: |
sn21.10:2.7 |
“saccaṁ kira tvaṁ, thera, ekavihārī ekavihārassa ca vaṇṇavādī”ti? |
“Is it really true, Senior, that you live alone and praise living alone?” |
sn21.10:2.8 |
“Evaṁ, bhante”. |
“Yes, sir.” |
sn21.10:2.9 |
“Yathā kathaṁ pana tvaṁ, thera, ekavihārī ekavihārassa ca vaṇṇavādī”ti? |
“But in what way do you live alone and praise living alone?” |
sn21.10:2.10 |
“Idhāhaṁ, bhante, eko gāmaṁ piṇḍāya pavisāmi eko paṭikkamāmi eko raho nisīdāmi eko caṅkamaṁ adhiṭṭhāmi. |
“Well, sir, I enter the village for alms alone, return alone, sit in private alone, and focus on walking mindfully alone. |
sn21.10:2.11 |
Evaṁ khvāhaṁ, bhante, ekavihārī ekavihārassa ca vaṇṇavādī”ti. |
That’s how I live alone and praise living alone.” |
sn21.10:3.1 |
“Attheso, thera, ekavihāro neso natthīti vadāmi. |
“That is a kind of living alone, I don’t deny it. |
sn21.10:3.2 |
Api ca, thera, yathā ekavihāro vitthārena paripuṇṇo hoti |
But as to how living alone is fulfilled in detail, |
sn21.10:3.3 |
taṁ suṇāhi, sādhukaṁ manasi karohi; bhāsissāmī”ti. |
listen and apply your mind well, I will speak.” |
sn21.10:3.4 |
“Evaṁ, bhante”ti kho …pe…. |
“Yes, sir,” he replied. |
sn21.10:3.5 |
“Kathañca, thera, ekavihāro vitthārena paripuṇṇo hoti. |
“And how, Senior, is living alone fulfilled in detail? |
sn21.10:3.6 |
Idha, thera, yaṁ atītaṁ taṁ pahīnaṁ, yaṁ anāgataṁ taṁ paṭinissaṭṭhaṁ, paccuppannesu ca attabhāvapaṭilābhesu chandarāgo suppaṭivinīto. |
It’s when what’s in the past is given up, what’s in the future is relinquished, and desire and greed for present incarnations is eliminated. |
sn21.10:3.7 |
Evaṁ kho, thera, ekavihāro vitthārena paripuṇṇo hotī”ti. |
That’s how living alone is fulfilled in detail.” |
sn21.10:4.1 |
Idamavoca bhagavā. |
That is what the Buddha said. |
sn21.10:4.2 |
Idaṁ vatvāna sugato athāparaṁ etadavoca satthā: |
Then the Holy One, the Teacher, went on to say: |
sn21.10:5.1 |
“Sabbābhibhuṁ sabbaviduṁ sumedhaṁ, |
“The vanquisher of all, knower of all, so very intelligent, |
sn21.10:5.2 |
Sabbesu dhammesu anūpalittaṁ; |
is unsullied in the midst of all things. |
sn21.10:5.3 |
Sabbañjahaṁ taṇhākkhaye vimuttaṁ, |
He’s given up all, freed in the ending of craving: |
sn21.10:5.4 |
Tamahaṁ naraṁ ekavihārīti brūmī”ti. |
I declare that man to be one who lives alone.” |
sn21.10:5.5 |
Dasamaṁ. |
|