sn22.59:0.1 |
Saṁyutta Nikāya 22.59 |
Linked Discourses 22.59 |
sn22.59:0.2 |
6. Upayavagga |
6. Involvement |
sn22.59:0.3 |
Anattalakkhaṇasutta |
The Characteristic of Not-Self |
sn22.59:1.1 |
Ekaṁ samayaṁ bhagavā bārāṇasiyaṁ viharati isipatane migadāye. |
At one time the Buddha was staying near Varanasi in the deer park at Isipatana. |
sn22.59:1.2 |
Tatra kho bhagavā pañcavaggiye bhikkhū āmantesi: |
There the Buddha addressed the group of five mendicants: |
sn22.59:1.3 |
“bhikkhavo”ti. |
“Mendicants!” |
sn22.59:1.4 |
“Bhadante”ti te bhikkhū bhagavato paccassosuṁ. |
“Venerable sir,” they replied. |
sn22.59:1.5 |
Bhagavā etadavoca: |
The Buddha said this: |
sn22.59:2.1 |
“Rūpaṁ, bhikkhave, anattā. |
“Mendicants, form is not-self. |
sn22.59:2.2 |
Rūpañca hidaṁ, bhikkhave, attā abhavissa, nayidaṁ rūpaṁ ābādhāya saṁvatteyya, labbhetha ca rūpe: |
For if form were self, it wouldn’t lead to affliction. And you could compel form: |
sn22.59:2.3 |
‘evaṁ me rūpaṁ hotu, evaṁ me rūpaṁ mā ahosī’ti. |
‘May my form be like this! May it not be like that!’ |
sn22.59:2.4 |
Yasmā ca kho, bhikkhave, rūpaṁ anattā, tasmā rūpaṁ ābādhāya saṁvattati, na ca labbhati rūpe: |
But because form is not-self, it leads to affliction. And you can’t compel form: |
sn22.59:2.5 |
‘evaṁ me rūpaṁ hotu, evaṁ me rūpaṁ mā ahosī’ti. |
‘May my form be like this! May it not be like that!’ |
sn22.59:3.1 |
Vedanā anattā. |
Feeling is not-self … |
sn22.59:3.2 |
Vedanā ca hidaṁ, bhikkhave, attā abhavissa, nayidaṁ vedanā ābādhāya saṁvatteyya, labbhetha ca vedanāya: |
|
sn22.59:3.3 |
‘evaṁ me vedanā hotu, evaṁ me vedanā mā ahosī’ti. |
|
sn22.59:3.4 |
Yasmā ca kho, bhikkhave, vedanā anattā, tasmā vedanā ābādhāya saṁvattati, na ca labbhati vedanāya: |
|
sn22.59:3.5 |
‘evaṁ me vedanā hotu, evaṁ me vedanā mā ahosī’ti. |
|
sn22.59:4.1 |
Saññā anattā …pe… |
Perception is not-self … |
sn22.59:4.2 |
saṅkhārā anattā. |
Choices are not-self … |
sn22.59:4.3 |
Saṅkhārā ca hidaṁ, bhikkhave, attā abhavissaṁsu, nayidaṁ saṅkhārā ābādhāya saṁvatteyyuṁ, labbhetha ca saṅkhāresu: |
|
sn22.59:4.4 |
‘evaṁ me saṅkhārā hontu, evaṁ me saṅkhārā mā ahesun’ti. |
|
sn22.59:4.5 |
Yasmā ca kho, bhikkhave, saṅkhārā anattā, tasmā saṅkhārā ābādhāya saṁvattanti, na ca labbhati saṅkhāresu: |
|
sn22.59:4.6 |
‘evaṁ me saṅkhārā hontu, evaṁ me saṅkhārā mā ahesun’ti. |
|
sn22.59:5.1 |
Viññāṇaṁ anattā. |
Consciousness is not-self. |
sn22.59:5.2 |
Viññāṇañca hidaṁ, bhikkhave, attā abhavissa, nayidaṁ viññāṇaṁ ābādhāya saṁvatteyya, labbhetha ca viññāṇe: |
For if consciousness were self, it wouldn’t lead to affliction. And you could compel consciousness: |
sn22.59:5.3 |
‘evaṁ me viññāṇaṁ hotu, evaṁ me viññāṇaṁ mā ahosī’ti. |
‘May my consciousness be like this! May it not be like that!’ |
sn22.59:5.4 |
Yasmā ca kho, bhikkhave, viññāṇaṁ anattā, tasmā viññāṇaṁ ābādhāya saṁvattati, na ca labbhati viññāṇe: |
But because consciousness is not-self, it leads to affliction. And you can’t compel consciousness: |
sn22.59:5.5 |
‘evaṁ me viññāṇaṁ hotu, evaṁ me viññāṇaṁ mā ahosī’ti. |
‘May my consciousness be like this! May it not be like that!’ |
sn22.59:6.1 |
Taṁ kiṁ maññatha, bhikkhave, |
What do you think, mendicants? |
sn22.59:6.2 |
rūpaṁ niccaṁ vā aniccaṁ vā”ti? |
Is form permanent or impermanent?” |
sn22.59:6.3 |
“Aniccaṁ, bhante”. |
“Impermanent, sir.” |
sn22.59:6.4 |
“Yaṁ panāniccaṁ dukkhaṁ vā taṁ sukhaṁ vā”ti? |
“But if it’s impermanent, is it suffering or happiness?” |
sn22.59:6.5 |
“Dukkhaṁ, bhante”. |
“Suffering, sir.” |
sn22.59:6.6 |
“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: |
“But if it’s impermanent, suffering, and perishable, is it fit to be regarded thus: |
sn22.59:6.7 |
‘etaṁ mama, esohamasmi, eso me attā’”ti? |
‘This is mine, I am this, this is my self’?” |
sn22.59:6.8 |
“No hetaṁ, bhante”. |
“No, sir.” |
sn22.59:6.9 |
“Vedanā … |
“Is feeling permanent or impermanent?” … |
sn22.59:6.10 |
saññā … |
“Is perception permanent or impermanent?” … |
sn22.59:6.11 |
saṅkhārā … |
“Are choices permanent or impermanent?” … |
sn22.59:6.12 |
viññāṇaṁ niccaṁ vā aniccaṁ vā”ti? |
“Is consciousness permanent or impermanent?” |
sn22.59:6.13 |
“Aniccaṁ, bhante”. |
“Impermanent, sir.” |
sn22.59:6.14 |
“Yaṁ panāniccaṁ dukkhaṁ vā taṁ sukhaṁ vā”ti? |
“But if it’s impermanent, is it suffering or happiness?” |
sn22.59:6.15 |
“Dukkhaṁ, bhante”. |
“Suffering, sir.” |
sn22.59:6.16 |
“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: |
“But if it’s impermanent, suffering, and perishable, is it fit to be regarded thus: |
sn22.59:6.17 |
‘etaṁ mama, esohamasmi, eso me attā’”ti? |
‘This is mine, I am this, this is my self’?” |
sn22.59:6.18 |
“No hetaṁ, bhante”. |
“No, sir.” |
sn22.59:7.1 |
“Tasmātiha, bhikkhave, yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. |
“So you should truly see any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’ |
sn22.59:8.1 |
Yā kāci vedanā atītānāgatapaccuppannā ajjhattā vā bahiddhā vā …pe… yā dūre santike vā, sabbā vedanā: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. |
Any kind of feeling at all … |
sn22.59:9.1 |
Yā kāci saññā …pe… |
Any kind of perception at all … |
sn22.59:9.2 |
ye keci saṅkhārā atītānāgatapaccuppannā ajjhattaṁ vā bahiddhā vā …pe… ye dūre santike vā, sabbe saṅkhārā: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. |
Any kind of choices at all … |
sn22.59:10.1 |
Yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. |
You should truly see any kind of consciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’ |
sn22.59:11.1 |
Evaṁ passaṁ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. |
Seeing this, a learned noble disciple grows disillusioned with form, feeling, perception, choices, and consciousness. |
sn22.59:11.2 |
Nibbindaṁ virajjati; virāgā vimuccati. Vimuttasmiṁ vimuttamiti ñāṇaṁ hoti. |
Being disillusioned, desire fades away. When desire fades away they’re freed. When they’re freed, they know they’re freed. |
sn22.59:11.3 |
‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti. |
They understand: ‘Rebirth is ended, the spiritual journey has been completed, what had to be done has been done, there is nothing further for this place.’” |
sn22.59:12.1 |
Idamavoca bhagavā. |
That is what the Buddha said. |
sn22.59:12.2 |
Attamanā pañcavaggiyā bhikkhū bhagavato bhāsitaṁ abhinanduṁ. |
Satisfied, the group of five mendicants approved what the Buddha said. |
sn22.59:12.3 |
Imasmiñca pana veyyākaraṇasmiṁ bhaññamāne pañcavaggiyānaṁ bhikkhūnaṁ anupādāya āsavehi cittāni vimucciṁsūti. |
And while this discourse was being spoken, the minds of the group of five mendicants were freed from defilements by not grasping. |
sn22.59:12.4 |
Sattamaṁ. |
|