sn22.87:0.1 |
Saṁyutta Nikāya 22.87 |
Linked Discourses 22.87 |
sn22.87:0.2 |
9. Theravagga |
9. Senior Mendicants |
sn22.87:0.3 |
Vakkalisutta |
With Vakkali |
sn22.87:1.1 |
Ekaṁ samayaṁ bhagavā rājagahe viharati veḷuvane kalandakanivāpe. |
At one time the Buddha was staying near Rājagaha in the Bamboo Grove, the squirrels’ feeding ground. |
sn22.87:1.2 |
Tena kho pana samayena āyasmā vakkali kumbhakāranivesane viharati ābādhiko dukkhito bāḷhagilāno. |
Now at that time Venerable Vakkali was staying in a potter’s shed, and he was sick, suffering, gravely ill. |
sn22.87:1.3 |
Atha kho āyasmā vakkali upaṭṭhāke āmantesi: |
Then he addressed his carers, |
sn22.87:1.4 |
“etha tumhe, āvuso, yena bhagavā tenupasaṅkamatha; upasaṅkamitvā mama vacanena bhagavato pāde sirasā vandatha: |
“Please, reverends, go to the Buddha, and in my name bow with your head to his feet. Say to him: |
sn22.87:1.5 |
‘vakkali, bhante, bhikkhu ābādhiko dukkhito bāḷhagilāno, so bhagavato pāde sirasā vandatī’ti. |
‘Sir, the mendicant Vakkali is sick, suffering, gravely ill. He bows with his head to your feet.’ |
sn22.87:1.6 |
Evañca vadetha: |
And then say: |
sn22.87:1.7 |
‘sādhu kira, bhante, bhagavā yena vakkali bhikkhu tenupasaṅkamatu anukampaṁ upādāyā’”ti. |
‘Sir, please go to the mendicant Vakkali out of sympathy.’” |
sn22.87:1.8 |
“Evamāvuso”ti kho te bhikkhū āyasmato vakkalissa paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: |
“Yes, reverend,” those monks replied. They did as he asked. |
sn22.87:1.9 |
“vakkali, bhante, bhikkhu ābādhiko dukkhito bāḷhagilāno, so bhagavato pāde sirasā vandati; |
|
sn22.87:1.10 |
evañca pana vadeti: |
|
sn22.87:1.11 |
‘sādhu kira, bhante, bhagavā yena vakkali bhikkhu tenupasaṅkamatu anukampaṁ upādāyā’”ti. |
|
sn22.87:1.12 |
Adhivāsesi bhagavā tuṇhībhāvena. |
The Buddha consented with silence. |
sn22.87:2.1 |
Atha kho bhagavā nivāsetvā pattacīvaramādāya yenāyasmā vakkali tenupasaṅkami. |
Then the Buddha robed up and, taking his bowl and robes, went to Venerable Vakkali. |
sn22.87:2.2 |
Addasā kho āyasmā vakkali bhagavantaṁ dūratova āgacchantaṁ. Disvāna mañcake samadhosi. |
Venerable Vakkali saw the Buddha coming off in the distance and stirred in his cot. |
sn22.87:2.3 |
Atha kho bhagavā āyasmantaṁ vakkaliṁ etadavoca: |
But the Buddha said to him, |
sn22.87:2.4 |
“alaṁ, vakkali, mā tvaṁ mañcake samadhosi. |
“It’s all right, Vakkali, don’t get up. |
sn22.87:2.5 |
Santimāni āsanāni paññattāni; tatthāhaṁ nisīdissāmī”ti. |
There are some seats spread out, I will sit there.” |
sn22.87:2.6 |
Nisīdi bhagavā paññatte āsane. Nisajja kho bhagavā āyasmantaṁ vakkaliṁ etadavoca: |
He sat down on the seat spread out and said to Vakkali, |
sn22.87:2.7 |
“kacci te, vakkali, khamanīyaṁ, kacci yāpanīyaṁ, kacci dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti? |
“I hope you’re keeping well, Vakkali; I hope you’re all right. I hope your pain is fading, not growing; that its fading is evident, not its growing.” |
sn22.87:2.8 |
“Na me, bhante, khamanīyaṁ, na yāpanīyaṁ; bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti. |
“Sir, I’m not keeping well, I’m not getting by. My pain is terrible and growing, not fading; its growing is evident, not its fading.” |
sn22.87:2.9 |
“Kacci te, vakkali, na kiñci kukkuccaṁ, na koci vippaṭisāro”ti? |
“I hope you don’t have any remorse or regret?” |
sn22.87:2.10 |
“Taggha me, bhante, anappakaṁ kukkuccaṁ, anappako vippaṭisāro”ti. |
“Indeed, sir, I have no little remorse and regret.” |
sn22.87:2.11 |
“Kacci pana taṁ, vakkali, attā sīlato na upavadatī”ti? |
“I hope you have no reason to blame yourself when it comes to ethical conduct?” |
sn22.87:2.12 |
“Na kho maṁ, bhante, attā sīlato upavadatī”ti. |
“No sir, I have no reason to blame myself when it comes to ethical conduct.” |
sn22.87:2.13 |
“No ce kira taṁ, vakkali, attā sīlato upavadati; atha kiñca te kukkuccaṁ ko ca vippaṭisāro”ti? |
“In that case, Vakkali, why do you have remorse and regret?” |
sn22.87:2.14 |
“Cirapaṭikāhaṁ, bhante, bhagavantaṁ dassanāya upasaṅkamitukāmo, natthi ca me kāyasmiṁ tāvatikā balamattā, yāvatāhaṁ bhagavantaṁ dassanāya upasaṅkameyyan”ti. |
“For a long time I’ve wanted to go and see the Buddha, but I was physically too weak.” |
sn22.87:3.1 |
“Alaṁ, vakkali, kiṁ te iminā pūtikāyena diṭṭhena? |
“Enough, Vakkali! Why would you want to see this rotting body? |
sn22.87:3.2 |
Yo kho, vakkali, dhammaṁ passati so maṁ passati; |
One who sees the teaching sees me. |
sn22.87:3.3 |
yo maṁ passati so dhammaṁ passati. |
One who sees me sees the teaching. |
sn22.87:3.4 |
Dhammañhi, vakkali, passanto maṁ passati; |
Seeing the teaching, you see me. |
sn22.87:3.5 |
maṁ passanto dhammaṁ passati. |
Seeing me, you see the teaching. |
sn22.87:4.1 |
Taṁ kiṁ maññasi, vakkali, |
What do you think, Vakkali? |
sn22.87:4.2 |
rūpaṁ niccaṁ vā aniccaṁ vā”ti? |
Is form permanent or impermanent?” |
sn22.87:4.3 |
“Aniccaṁ, bhante”. |
“Impermanent, sir.” |
sn22.87:4.4 |
“Yaṁ panāniccaṁ dukkhaṁ vā taṁ sukhaṁ vā”ti? |
“But if it’s impermanent, is it suffering or happiness?” |
sn22.87:4.5 |
“Dukkhaṁ, bhante”. |
“Suffering, sir.” |
sn22.87:4.6 |
“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: |
“But if it’s impermanent, suffering, and perishable, is it fit to be regarded thus: |
sn22.87:4.7 |
‘etaṁ mama, esohamasmi, eso me attā’”ti? |
‘This is mine, I am this, this is my self’?” |
sn22.87:4.8 |
“No hetaṁ, bhante”. |
“No, sir.” |
sn22.87:4.9 |
“Vedanā … |
“Is feeling … |
sn22.87:4.10 |
saññā … |
perception … |
sn22.87:4.11 |
saṅkhārā … |
choices … |
sn22.87:4.12 |
viññāṇaṁ niccaṁ vā aniccaṁ vā”ti? |
consciousness permanent or impermanent?” |
sn22.87:4.13 |
“Aniccaṁ, bhante” …pe… |
“Impermanent, sir.” … |
sn22.87:4.14 |
eso me attāti? |
|
sn22.87:4.15 |
“No hetaṁ, bhante”. |
|
sn22.87:4.16 |
“Tasmātiha …pe… |
“So you should truly see … |
sn22.87:4.17 |
evaṁ passaṁ …pe… |
Seeing this … |
sn22.87:4.18 |
nāparaṁ itthattāyāti pajānātī”ti. |
They understand: ‘… there is nothing further for this place.’” |
sn22.87:5.1 |
Atha kho bhagavā āyasmantaṁ vakkaliṁ iminā ovādena ovaditvā uṭṭhāyāsanā yena gijjhakūṭo pabbato tena pakkāmi. |
And then, after giving Venerable Vakkali this advice, the Buddha rose from his seat and went to the Vulture’s Peak Mountain. |
sn22.87:5.2 |
Atha kho āyasmā vakkali acirapakkantassa bhagavato upaṭṭhāke āmantesi: |
Then Venerable Vakkali addressed his carers, |
sn22.87:5.3 |
“etha maṁ, āvuso, mañcakaṁ āropetvā yena isigilipassaṁ kāḷasilā tenupasaṅkamatha. |
“Come on, reverends, lift my cot and take me to the Black Rock on the slopes of Isigili. |
sn22.87:5.4 |
Kathañhi nāma mādiso antaraghare kālaṁ kattabbaṁ maññeyyā”ti? |
For how on earth could one such as I imagine dying in an inhabited area!” |
sn22.87:5.5 |
“Evamāvuso”ti kho te bhikkhū āyasmato vakkalissa paṭissutvā āyasmantaṁ vakkaliṁ mañcakaṁ āropetvā yena isigilipassaṁ kāḷasilā tenupasaṅkamiṁsu. |
“Yes, reverend,” replied those mendicants, and did as he asked. |
sn22.87:5.6 |
Atha kho bhagavā tañca rattiṁ tañca divāvasesaṁ gijjhakūṭe pabbate vihāsi. |
Meanwhile, the Buddha spent the rest of that night and day on Vulture’s Peak Mountain. |
sn22.87:5.7 |
Atha kho dve devatāyo abhikkantāya rattiyā abhikkantavaṇṇā kevalakappaṁ gijjhakūṭaṁ obhāsetvā yena bhagavā tenupasaṅkamiṁsu …pe… ekamantaṁ aṭṭhaṁsu. |
Then, late at night, two glorious deities, lighting up the entire Vulture’s Peak, went up to the Buddha, bowed, and stood to one side. |
sn22.87:5.8 |
Ekamantaṁ ṭhitā kho ekā devatā bhagavantaṁ etadavoca: |
One deity said to him, |
sn22.87:5.9 |
“vakkali, bhante, bhikkhu vimokkhāya cetetī”ti. |
“Sir, the mendicant Vakkali is intent on liberation!” |
sn22.87:5.10 |
Aparā devatā bhagavantaṁ etadavoca: |
And another deity said to him, |
sn22.87:5.11 |
“so hi nūna, bhante, suvimutto vimuccissatī”ti. |
“He’ll definitely be well freed!” |
sn22.87:5.12 |
Idamavocuṁ tā devatāyo. |
This is what those deities said. |
sn22.87:5.13 |
Idaṁ vatvā bhagavantaṁ abhivādetvā padakkhiṇaṁ katvā tatthevantaradhāyiṁsu. |
Then they bowed and respectfully circled the Buddha, keeping him on their right side, before vanishing right there. |
sn22.87:6.1 |
Atha kho bhagavā tassā rattiyā accayena bhikkhū āmantesi: |
Then, when the night had passed, the Buddha addressed the mendicants: |
sn22.87:6.2 |
“etha tumhe, bhikkhave, yena vakkali bhikkhu tenupasaṅkamatha; upasaṅkamitvā vakkaliṁ bhikkhuṁ evaṁ vadetha: |
“Come, mendicants, go to the mendicant Vakkali and tell him: |
sn22.87:7.1 |
‘Suṇāvuso tvaṁ, vakkali, bhagavato vacanaṁ dvinnañca devatānaṁ. |
‘Vakkali, hear the word of the Buddha and two deities. |
sn22.87:7.2 |
Imaṁ, āvuso, rattiṁ dve devatāyo abhikkantāya rattiyā abhikkantavaṇṇā kevalakappaṁ gijjhakūṭaṁ obhāsetvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. |
Late last night, two glorious deities, lighting up the entire Vulture’s Peak, went up to the Buddha, bowed, and stood to one side. |
sn22.87:7.3 |
Ekamantaṁ ṭhitā kho, āvuso, ekā devatā bhagavantaṁ etadavoca— |
One deity said to him, |
sn22.87:7.4 |
vakkali, bhante, bhikkhu vimokkhāya cetetīti. |
“Sir, the mendicant Vakkali is intent on liberation!” |
sn22.87:7.5 |
Aparā devatā bhagavantaṁ etadavoca— |
The other deity said to him, |
sn22.87:7.6 |
so hi nūna, bhante, suvimutto vimuccissatīti. |
“He’ll definitely be well freed!” |
sn22.87:7.7 |
Bhagavā ca taṁ, āvuso vakkali, evamāha— |
And the Buddha said, |
sn22.87:7.8 |
mā bhāyi, vakkali; |
“Do not fear, Vakkali, |
sn22.87:7.9 |
mā bhāyi, vakkali. |
do not fear! |
sn22.87:7.10 |
Apāpakaṁ te maraṇaṁ bhavissati, apāpikā kālakiriyā’”ti. |
Your death will not be a bad one; your passing will not be a bad one.”’” |
sn22.87:7.11 |
“Evaṁ, bhante”ti kho te bhikkhū bhagavato paṭissutvā yenāyasmā vakkali tenupasaṅkamiṁsu; upasaṅkamitvā āyasmantaṁ vakkaliṁ etadavocuṁ: |
“Yes, sir,” those monks replied. They went to Vakkali and said to him: |
sn22.87:7.12 |
“suṇāvuso vakkali, bhagavato vacanaṁ dvinnañca devatānan”ti. |
“Vakkali, hear the word of the Buddha and two deities.” |
sn22.87:8.1 |
Atha kho āyasmā vakkali upaṭṭhāke āmantesi: |
Then Vakkali addressed his carers, |
sn22.87:8.2 |
“etha maṁ, āvuso, mañcakā oropetha. |
“Please, reverends, help me off my cot. |
sn22.87:8.3 |
Kathañhi nāma mādiso ucce āsane nisīditvā tassa bhagavato sāsanaṁ sotabbaṁ maññeyyā”ti. |
For how on earth could one such as I presume to listen to the Buddha’s instructions sitting on a high seat?” |
sn22.87:8.4 |
“Evamāvuso”ti kho te bhikkhū āyasmato vakkalissa paṭissutvā āyasmantaṁ vakkaliṁ mañcakā oropesuṁ. |
“Yes, reverend,” replied those mendicants, and helped him off his cot. |
sn22.87:8.5 |
“Imaṁ, āvuso, rattiṁ dve devatāyo abhikkantāya rattiyā …pe… ekamantaṁ aṭṭhaṁsu. |
They repeated what the Buddha had said. |
sn22.87:8.6 |
Ekamantaṁ ṭhitā kho, āvuso, ekā devatā bhagavantaṁ etadavoca: |
|
sn22.87:8.7 |
‘vakkali, bhante, bhikkhu vimokkhāya cetetī’ti. |
|
sn22.87:8.8 |
Aparā devatā bhagavantaṁ etadavoca: |
|
sn22.87:8.9 |
‘so hi nūna, bhante, suvimutto vimuccissatī’ti. |
|
sn22.87:8.10 |
Bhagavā ca taṁ, āvuso vakkali, evamāha: |
|
sn22.87:8.11 |
‘mā bhāyi, vakkali; |
|
sn22.87:8.12 |
mā bhāyi, vakkali. |
|
sn22.87:8.13 |
Apāpakaṁ te maraṇaṁ bhavissati, apāpikā kālakiriyā’”ti. |
|
sn22.87:8.14 |
“Tena hāvuso, mama vacanena bhagavato pāde sirasā vandatha: |
Vakkali said, “Well then, reverends, in my name bow with your head to the Buddha’s feet. Say to him: |
sn22.87:8.15 |
‘vakkali, bhante, bhikkhu ābādhiko dukkhito bāḷhagilāno. |
‘Sir, the mendicant Vakkali is sick, suffering, gravely ill. |
sn22.87:8.16 |
So bhagavato pāde sirasā vandatī’ti. |
He bows with his head to your feet.’ |
sn22.87:8.17 |
Evañca vadetha: |
And then say: |
sn22.87:8.18 |
‘rūpaṁ aniccaṁ. |
‘Form is impermanent. |
sn22.87:8.19 |
Tāhaṁ, bhante, na kaṅkhāmi. |
I have no doubt of that. |
sn22.87:8.20 |
Yadaniccaṁ taṁ dukkhanti na vicikicchāmi. |
I’m certain that what is impermanent is suffering. |
sn22.87:8.21 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmi. |
And I’m certain that I have no desire or greed or fondness for what is impermanent, suffering, and perishable. |
sn22.87:8.22 |
Vedanā aniccā. |
Feeling is impermanent … |
sn22.87:8.23 |
Tāhaṁ, bhante, na kaṅkhāmi. |
|
sn22.87:8.24 |
Yadaniccaṁ taṁ dukkhanti na vicikicchāmi. |
|
sn22.87:8.25 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmi. |
|
sn22.87:8.26 |
Saññā … |
Perception is impermanent … |
sn22.87:8.27 |
saṅkhārā aniccā. |
Choices are impermanent … |
sn22.87:8.28 |
Tāhaṁ, bhante, na kaṅkhāmi. |
|
sn22.87:8.29 |
Yadaniccaṁ taṁ dukkhanti na vicikicchāmi. |
|
sn22.87:8.30 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmi. |
|
sn22.87:8.31 |
Viññāṇaṁ aniccaṁ. |
Consciousness is impermanent. |
sn22.87:8.32 |
Tāhaṁ, bhante, na kaṅkhāmi. |
I have no doubt of that. |
sn22.87:8.33 |
Yadaniccaṁ taṁ dukkhanti na vicikicchāmi. |
I’m certain that what is impermanent is suffering. |
sn22.87:8.34 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmī’”ti. |
And I’m certain that I have no desire or greed or fondness for what is impermanent, suffering, and perishable.’” |
sn22.87:8.35 |
“Evamāvuso”ti kho te bhikkhū āyasmato vakkalissa paṭissutvā pakkamiṁsu. |
“Yes, reverend,” those monks replied, and left. |
sn22.87:8.36 |
Atha kho āyasmā vakkali acirapakkantesu tesu bhikkhūsu satthaṁ āharesi. |
And then, not long after those mendicants had left, Venerable Vakkali committed suicide. |
sn22.87:9.1 |
Atha kho te bhikkhū yena bhagavā tenupasaṅkamiṁsu; upasaṅkamitvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: |
Then those mendicants went up to the Buddha and told him Vakkali’s message. |
sn22.87:9.2 |
“vakkali, bhante, bhikkhu ābādhiko dukkhito bāḷhagilāno; |
|
sn22.87:9.3 |
so bhagavato pāde sirasā vandati; |
|
sn22.87:9.4 |
evañca vadeti: |
|
sn22.87:9.5 |
‘rūpaṁ aniccaṁ. |
|
sn22.87:9.6 |
Tāhaṁ, bhante, na kaṅkhāmi. |
|
sn22.87:9.7 |
Yadaniccaṁ taṁ dukkhanti na vicikicchāmi. |
|
sn22.87:9.8 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmi. |
|
sn22.87:9.9 |
Vedanā … |
|
sn22.87:9.10 |
saññā … |
|
sn22.87:9.11 |
saṅkhārā … |
|
sn22.87:9.12 |
viññāṇaṁ aniccaṁ. |
|
sn22.87:9.13 |
Tāhaṁ, bhante, na kaṅkhāmi. |
|
sn22.87:9.14 |
Yadaniccaṁ taṁ dukkhanti na vicikicchāmi. |
|
sn22.87:9.15 |
Yadaniccaṁ dukkhaṁ vipariṇāmadhammaṁ, natthi me tattha chando vā rāgo vā pemaṁ vāti na vicikicchāmī’”ti. |
|
sn22.87:10.1 |
Atha kho bhagavā bhikkhū āmantesi: |
Then the Buddha said to the mendicants, |
sn22.87:10.2 |
“āyāma, bhikkhave, yena isigilipassaṁ kāḷasilā tenupasaṅkamissāma; |
“Come, mendicants, let’s go to the Black Rock on the slopes of Isigili, |
sn22.87:10.3 |
yattha vakkalinā kulaputtena satthamāharitan”ti. |
where Vakkali, the gentleman, committed suicide.” |
sn22.87:10.4 |
“Evaṁ, bhante”ti kho te bhikkhū bhagavato paccassosuṁ. |
“Yes, sir,” they replied. |
sn22.87:10.5 |
Atha kho bhagavā sambahulehi bhikkhūhi saddhiṁ yena isigilipassaṁ kāḷasilā tenupasaṅkami. |
Then the Buddha together with several mendicants went to the Black Rock on the slopes of Isigili. |
sn22.87:10.6 |
Addasā kho bhagavā āyasmantaṁ vakkaliṁ dūratova mañcake vivattakkhandhaṁ semānaṁ. |
The Buddha saw Vakkali off in the distance on his cot, lying with aggregates cast off. |
sn22.87:11.1 |
Tena kho pana samayena dhūmāyitattaṁ timirāyitattaṁ gacchateva purimaṁ disaṁ, gacchati pacchimaṁ disaṁ, gacchati uttaraṁ disaṁ, gacchati dakkhiṇaṁ disaṁ, gacchati uddhaṁ disaṁ, gacchati adho disaṁ, gacchati anudisaṁ. |
Now at that time a cloud of black smoke was moving east, west, north, south, above, below, and in-between. |
sn22.87:11.2 |
Atha kho bhagavā bhikkhū āmantesi: |
The Buddha said to the mendicants, |
sn22.87:11.3 |
“passatha no tumhe, bhikkhave, etaṁ dhūmāyitattaṁ timirāyitattaṁ gacchateva purimaṁ disaṁ …pe… gacchati anudisan”ti. |
“Mendicants, do you see that cloud of black smoke moving east, west, north, south, above, below, and in-between?” |
sn22.87:11.4 |
“Evaṁ, bhante”. |
“Yes, sir.” |
sn22.87:11.5 |
“Eso kho, bhikkhave, māro pāpimā vakkalissa kulaputtassa viññāṇaṁ samanvesati: |
“That’s Māra the Wicked searching for Vakkali’s consciousness, wondering: |
sn22.87:11.6 |
‘kattha vakkalissa kulaputtassa viññāṇaṁ patiṭṭhitan’ti? |
‘Where is Vakkali’s consciousness established?’ |
sn22.87:11.7 |
Appatiṭṭhitena ca, bhikkhave, viññāṇena vakkali kulaputto parinibbuto”ti. |
But since his consciousness is not established, Vakkali is quenched.” |
sn22.87:11.8 |
Pañcamaṁ. |
|