sn22.89:0.1 |
Saṁyutta Nikāya 22.89 |
Linked Discourses 22.89 |
sn22.89:0.2 |
9. Theravagga |
9. Senior Mendicants |
sn22.89:0.3 |
Khemakasutta |
With Khemaka |
sn22.89:1.1 |
Ekaṁ samayaṁ sambahulā therā bhikkhū kosambiyaṁ viharanti ghositārāme. |
At one time several senior mendicants were staying near Kosambī in Ghosita’s monastery. |
sn22.89:1.2 |
Tena kho pana samayena āyasmā khemako badarikārāme viharati ābādhiko dukkhito bāḷhagilāno. |
Now at that time Venerable Khemaka was staying in the Jujube Tree Monastery, and he was sick, suffering, gravely ill. |
sn22.89:1.3 |
Atha kho therā bhikkhū sāyanhasamayaṁ paṭisallānā vuṭṭhitā āyasmantaṁ dāsakaṁ āmantesuṁ: |
In the late afternoon those senior mendicants came out of retreat and addressed Venerable Dāsaka, |
sn22.89:1.4 |
“ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi: |
“Please, Reverend Dāsaka, go to the mendicant Khemaka and say to him: |
sn22.89:1.5 |
‘therā taṁ, āvuso khemaka, evamāhaṁsu— |
‘Reverend Khemaka, the seniors |
sn22.89:1.6 |
kacci te, āvuso, khamanīyaṁ, kacci yāpanīyaṁ, kacci dukkhā vedanā paṭikkamanti no abhikkamanti, paṭikkamosānaṁ paññāyati no abhikkamo’”ti? |
hope you’re keeping well; they hope you’re all right. They hope your pain is fading, not growing; that its fading is evident, not its growing.’” |
sn22.89:1.7 |
“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā āyasmantaṁ khemakaṁ etadavoca: |
“Yes, reverends,” replied Dāsaka. He went to Khemaka and said to him: |
sn22.89:1.8 |
“therā taṁ, āvuso khemaka, evamāhaṁsu: |
“Reverend Khemaka, the seniors |
sn22.89:1.9 |
‘kacci te, āvuso, khamanīyaṁ …pe… no abhikkamo’”ti? |
hope you’re keeping well; they hope you’re all right. They hope your pain is fading, not growing; that its fading is evident, not its growing.” |
sn22.89:1.10 |
“Na me, āvuso, khamanīyaṁ na yāpanīyaṁ …pe… abhikkamosānaṁ paññāyati no paṭikkamo”ti. |
“Reverend, I’m not keeping well, I’m not getting by. My pain is terrible and growing, not fading; its growing is evident, not its fading.” |
sn22.89:2.1 |
Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca: |
Then Dāsaka went to those senior mendicants and told them what had happened. They said, |
sn22.89:2.2 |
“khemako, āvuso, bhikkhu evamāha: |
|
sn22.89:2.3 |
‘na me, āvuso, khamanīyaṁ …pe… abhikkamosānaṁ paññāyati no paṭikkamo’”ti. |
|
sn22.89:2.4 |
“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi: |
“Please, Reverend Dāsaka, go to the mendicant Khemaka and say to him: |
sn22.89:2.5 |
‘therā taṁ, āvuso khemaka, evamāhaṁsu— |
‘Reverend Khemaka, the seniors say that |
sn22.89:2.6 |
pañcime, āvuso, upādānakkhandhā vuttā bhagavatā, seyyathidaṁ— |
these five grasping aggregates have been taught by the Buddha, that is: |
sn22.89:2.7 |
rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. |
the grasping aggregates of form, feeling, perception, choices, and consciousness. |
sn22.89:2.8 |
Imesu āyasmā khemako pañcasu upādānakkhandhesu kiñci attaṁ vā attaniyaṁ vā samanupassatī’”ti? |
Do you regard anything among these five grasping aggregates as self or as belonging to self?’” |
sn22.89:3.1 |
“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā …pe… |
“Yes, reverends,” replied Dāsaka. He relayed the message to Khemaka, who replied: |
sn22.89:3.2 |
therā taṁ, āvuso khemaka, evamāhaṁsu: |
|
sn22.89:3.3 |
“pañcime, āvuso, upādānakkhandhā vuttā bhagavatā, seyyathidaṁ— |
|
sn22.89:3.4 |
rūpupādānakkhandho …pe… viññāṇupādānakkhandho. |
|
sn22.89:3.5 |
Imesu āyasmā khemako pañcasu upādānakkhandhesu kiñci attaṁ vā attaniyaṁ vā samanupassatī”ti? |
|
sn22.89:3.6 |
“Pañcime, āvuso, upādānakkhandhā vuttā bhagavatā, seyyathidaṁ— |
“These five grasping aggregates have been taught by the Buddha, that is: |
sn22.89:3.7 |
rūpupādānakkhandho …pe… viññāṇupādānakkhandho. |
the grasping aggregates of form, feeling, perception, choices, and consciousness. |
sn22.89:3.8 |
Imesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmī”ti. |
I do not regard anything among these five grasping aggregates as self or as belonging to self.” |
sn22.89:4.1 |
Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca: |
Then Dāsaka went to those senior mendicants and told them what had happened. They said: |
sn22.89:4.2 |
“khemako, āvuso, bhikkhu evamāha: |
|
sn22.89:4.3 |
‘pañcime, āvuso, upādānakkhandhā vuttā bhagavatā, seyyathidaṁ— |
|
sn22.89:4.4 |
rūpupādānakkhandho …pe… viññāṇupādānakkhandho. |
|
sn22.89:4.5 |
Imesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmī’”ti. |
|
sn22.89:4.6 |
“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi: |
“Please, Reverend Dāsaka, go to the mendicant Khemaka and say to him: |
sn22.89:4.7 |
‘therā taṁ, āvuso khemaka, evamāhaṁsu— |
‘Reverend Khemaka, the seniors say that |
sn22.89:4.8 |
pañcime, āvuso, upādānakkhandhā vuttā bhagavatā, seyyathidaṁ— |
these five grasping aggregates have been taught by the Buddha, that is: |
sn22.89:4.9 |
rūpupādānakkhandho …pe… viññāṇupādānakkhandho. |
the grasping aggregates of form, feeling, perception, choices, and consciousness. |
sn22.89:4.10 |
No ce kirāyasmā khemako imesu pañcasu upādānakkhandhesu kiñci attaṁ vā attaniyaṁ vā samanupassati. |
If, as it seems, Venerable Khemaka does not regard anything among these five grasping aggregates as self or as belonging to self, |
sn22.89:4.11 |
Tenahāyasmā khemako arahaṁ khīṇāsavo’”ti. |
then he is a perfected one, with defilements ended.’” |
sn22.89:5.1 |
“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako …pe… |
“Yes, reverends,” replied Dāsaka. He relayed the message to Khemaka, who replied: |
sn22.89:5.2 |
therā taṁ, āvuso khemaka, evamāhaṁsu: |
|
sn22.89:5.3 |
“pañcime, āvuso, upādānakkhandhā vuttā bhagavatā, seyyathidaṁ— |
|
sn22.89:5.4 |
rūpupādānakkhandho …pe… viññāṇupādānakkhandho; |
|
sn22.89:5.5 |
no ce kirāyasmā khemako imesu pañcasu upādānakkhandhesu kiñci attaṁ vā attaniyaṁ vā samanupassati, tenahāyasmā khemako arahaṁ khīṇāsavo”ti. |
|
sn22.89:5.6 |
“Pañcime, āvuso, upādānakkhandhā vuttā bhagavatā, seyyathidaṁ— |
“These five grasping aggregates have been taught by the Buddha, that is: |
sn22.89:5.7 |
rūpupādānakkhandho …pe… viññāṇupādānakkhandho. |
the grasping aggregates of form, feeling, perception, choices, and consciousness. |
sn22.89:5.8 |
Imesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmi, na camhi arahaṁ khīṇāsavo; |
I do not regard anything among these five grasping aggregates as self or as belonging to self, yet I am not a perfected one, with defilements ended. |
sn22.89:5.9 |
api ca me, āvuso, pañcasu upādānakkhandhesu ‘asmī’ti adhigataṁ, ‘ayamahamasmī’ti na ca samanupassāmī”ti. |
For when it comes to the five grasping aggregates I’m not rid of the conceit ‘I am’. But I don’t regard anything as ‘I am this’.” |
sn22.89:6.1 |
Atha kho āyasmā dāsako yena therā bhikkhū …pe… |
Then Dāsaka went to those senior mendicants and told them what had happened. They said: |
sn22.89:6.2 |
there bhikkhū etadavoca: |
|
sn22.89:6.3 |
“khemako, āvuso, bhikkhu evamāha— |
|
sn22.89:6.4 |
pañcime, āvuso, upādānakkhandhā vuttā bhagavatā, seyyathidaṁ— |
|
sn22.89:6.5 |
rūpupādānakkhandho …pe… viññāṇupādānakkhandho. |
|
sn22.89:6.6 |
Imesu khvāhaṁ, āvuso, pañcasu upādānakkhandhesu na kiñci attaṁ vā attaniyaṁ vā samanupassāmi, na camhi arahaṁ khīṇāsavo; |
|
sn22.89:6.7 |
api ca me, āvuso, pañcasu upādānakkhandhesu ‘asmī’ti adhigataṁ, ‘ayamahamasmī’ti na ca samanupassāmī”ti. |
|
sn22.89:7.1 |
“Ehi tvaṁ, āvuso dāsaka, yena khemako bhikkhu tenupasaṅkama; upasaṅkamitvā khemakaṁ bhikkhuṁ evaṁ vadehi: |
“Please, Reverend Dāsaka, go to the mendicant Khemaka and say to him: |
sn22.89:7.2 |
‘therā taṁ, āvuso khemaka, evamāhaṁsu— |
‘Reverend Khemaka, the seniors ask, |
sn22.89:7.3 |
yametaṁ, āvuso khemaka, asmīti vadesi, kimetaṁ asmīti vadesi? |
when you say “I am”, what is it that you’re talking about? |
sn22.89:7.4 |
Rūpaṁ asmīti vadesi, aññatra rūpā asmīti vadesi, |
Is it form or apart from form? |
sn22.89:7.5 |
vedanaṁ … |
Is it feeling … |
sn22.89:7.6 |
saññaṁ … |
perception … |
sn22.89:7.7 |
saṅkhāre … |
choices … |
sn22.89:7.8 |
viññāṇaṁ asmīti vadesi, aññatra viññāṇā asmīti vadesi. |
consciousness, or apart from consciousness? |
sn22.89:7.9 |
Yametaṁ, āvuso khemaka, asmīti vadesi. Kimetaṁ asmīti vadesī’”ti? |
When you say “I am”, what is it that you’re talking about?” |
sn22.89:8.1 |
“Evamāvuso”ti kho āyasmā dāsako therānaṁ bhikkhūnaṁ paṭissutvā yenāyasmā khemako tenupasaṅkami; upasaṅkamitvā āyasmantaṁ khemakaṁ etadavoca— |
“Yes, reverends,” replied Dāsaka. He relayed the message to Khemaka, who replied: |
sn22.89:8.2 |
therā taṁ, āvuso khemaka, evamāhaṁsu: |
|
sn22.89:8.3 |
“yametaṁ, āvuso khemaka, ‘asmī’ti vadesi, kimetaṁ ‘asmī’ti vadesi? |
|
sn22.89:8.4 |
Rūpaṁ ‘asmī’ti vadesi aññatra rūpā ‘asmī’ti vadesi? |
|
sn22.89:8.5 |
Vedanaṁ … |
|
sn22.89:8.6 |
saññaṁ … |
|
sn22.89:8.7 |
saṅkhāre … |
|
sn22.89:8.8 |
viññāṇaṁ ‘asmī’ti vadesi aññatra viññāṇā ‘asmī’ti vadesi? |
|
sn22.89:8.9 |
Yametaṁ, āvuso khemaka, ‘asmī’ti vadesi, kimetaṁ ‘asmī’ti vadesī”ti? |
|
sn22.89:8.10 |
“Alaṁ, āvuso dāsaka, kiṁ imāya sandhāvanikāya. |
“Enough, Reverend Dāsaka! What’s the point in running back and forth? |
sn22.89:8.11 |
Āharāvuso, daṇḍaṁ; |
Bring my staff, |
sn22.89:8.12 |
ahameva yena therā bhikkhū tenupasaṅkamissāmī”ti. |
I’ll go to see the senior mendicants myself.” |
sn22.89:9.1 |
Atha kho āyasmā khemako daṇḍamolubbha yena therā bhikkhū tenupasaṅkami; upasaṅkamitvā therehi bhikkhūhi saddhiṁ sammodi. |
Then Venerable Khemaka, leaning on a staff, went to those senior mendicants and exchanged greetings with them. |
sn22.89:9.2 |
Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho āyasmantaṁ khemakaṁ therā bhikkhū etadavocuṁ: |
When the greetings and polite conversation were over, he sat down to one side. They said to him: |
sn22.89:9.3 |
“yametaṁ, āvuso khemaka, ‘asmī’ti vadesi, kimetaṁ ‘asmī’ti vadesi? |
“Reverend Khemaka, when you say ‘I am’, what is it that you’re talking about? |
sn22.89:9.4 |
Rūpaṁ ‘asmī’ti vadesi, aññatra rūpā ‘asmī’ti vadesi? |
Is it form or apart from form? |
sn22.89:9.5 |
Vedanaṁ … |
Is it feeling … |
sn22.89:9.6 |
saññaṁ … |
perception … |
sn22.89:9.7 |
saṅkhāre … |
choices … |
sn22.89:9.8 |
viññāṇaṁ ‘asmī’ti vadesi, aññatra viññāṇā ‘asmī’ti vadesi? |
consciousness, or apart from consciousness? |
sn22.89:9.9 |
Yametaṁ, āvuso khemaka, ‘asmī’ti vadesi, kimetaṁ ‘asmī’ti vadesī”ti? |
When you say ‘I am’, what is it that you’re talking about?” |
sn22.89:9.10 |
“Na khvāhaṁ, āvuso, rūpaṁ ‘asmī’ti vadāmi; napi aññatra rūpā ‘asmī’ti vadāmi. |
“Reverends, I don’t say ‘I am’ with reference to form, or apart from form. |
sn22.89:9.11 |
Na vedanaṁ … |
I don’t say ‘I am’ with reference to feeling … |
sn22.89:9.12 |
na saññaṁ … |
perception … |
sn22.89:9.13 |
na saṅkhāre … |
choices … |
sn22.89:9.14 |
na viññāṇaṁ ‘asmī’ti vadāmi; napi aññatra viññāṇā ‘asmī’ti vadāmi. |
consciousness, or apart from consciousness. |
sn22.89:9.15 |
Api ca me, āvuso, pañcasu upādānakkhandhesu ‘asmī’ti adhigataṁ ‘ayamahamasmī’ti na ca samanupassāmi. |
For when it comes to the five grasping aggregates I’m not rid of the conceit ‘I am’. But I don’t regard anything as ‘I am this’. |
sn22.89:10.1 |
Seyyathāpi, āvuso, uppalassa vā padumassa vā puṇḍarīkassa vā gandho. |
It’s like the scent of a blue water lily, or a pink or white lotus. |
sn22.89:10.2 |
Yo nu kho evaṁ vadeyya: ‘pattassa gandho’ti vā ‘vaṇṇassa gandho’ti vā ‘kiñjakkhassa gandho’ti vā sammā nu kho so vadamāno vadeyyā”ti? |
Would it be right to say that the scent belongs to the petals or the stalk or the pistil?” |
sn22.89:10.3 |
“No hetaṁ, āvuso”. |
“No, reverend.” |
sn22.89:10.4 |
“Yathā kathaṁ, panāvuso, sammā byākaramāno byākareyyā”ti? |
“Then, reverends, how should it be said?” |
sn22.89:10.5 |
“‘Pupphassa gandho’ti kho, āvuso, sammā byākaramāno byākareyyā”ti. |
“It would be right to say that the scent belongs to the flower.” |
sn22.89:10.6 |
“Evameva khvāhaṁ, āvuso, na rūpaṁ ‘asmī’ti vadāmi, napi aññatra rūpā ‘asmī’ti vadāmi. |
“In the same way, reverends, I don’t say ‘I am’ with reference to form, or apart from form. |
sn22.89:10.7 |
Na vedanaṁ … |
I don’t say ‘I am’ with reference to feeling … |
sn22.89:10.8 |
na saññaṁ … |
perception … |
sn22.89:10.9 |
na saṅkhāre … |
choices … |
sn22.89:10.10 |
na viññāṇaṁ ‘asmī’ti vadāmi, napi aññatra viññāṇā ‘asmī’ti vadāmi. |
consciousness, or apart from consciousness. |
sn22.89:10.11 |
Api ca me, āvuso, pañcasu upādānakkhandhesu ‘asmī’ti adhigataṁ ‘ayamahamasmī’ti na ca samanupassāmi. |
For when it comes to the five grasping aggregates I’m not rid of the conceit ‘I am’. But I don’t regard anything as ‘I am this’. |
sn22.89:11.1 |
Kiñcāpi, āvuso, ariyasāvakassa pañcorambhāgiyāni saṁyojanāni pahīnāni bhavanti, atha khvassa hoti: ‘yo ca pañcasu upādānakkhandhesu anusahagato asmīti māno, asmīti chando, asmīti anusayo asamūhato. |
Although a noble disciple has given up the five lower fetters, they still have a lingering residue of the conceit ‘I am’, the desire ‘I am’, and the underlying tendency ‘I am’ which has not been eradicated. |
sn22.89:11.2 |
So aparena samayena pañcasu upādānakkhandhesu udayabbayānupassī viharati— |
After some time they meditate observing rise and fall in the five grasping aggregates. |
sn22.89:11.3 |
iti rūpaṁ, iti rūpassa samudayo, iti rūpassa atthaṅgamo; |
‘Such is form, such is the origin of form, such is the disappearance of form. |
sn22.89:11.4 |
iti vedanā … |
Such is feeling … |
sn22.89:11.5 |
iti saññā … |
Such is perception … |
sn22.89:11.6 |
iti saṅkhārā … |
Such are choices … |
sn22.89:11.7 |
iti viññāṇaṁ, iti viññāṇassa samudayo, iti viññāṇassa atthaṅgamo’ti. |
Such is consciousness, such is the origin of consciousness, such is the disappearance of consciousness.’ |
sn22.89:11.8 |
Tassimesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṁ gacchati. |
As they do so, that lingering residue is eradicated. |
sn22.89:12.1 |
Seyyathāpi, āvuso, vatthaṁ saṅkiliṭṭhaṁ malaggahitaṁ. Tamenaṁ sāmikā rajakassa anupadajjuṁ. |
Suppose there was a cloth that was dirty and soiled, so the owners give it to a launderer. |
sn22.89:12.2 |
Tamenaṁ rajako ūse vā khāre vā gomaye vā sammadditvā acche udake vikkhāleti. |
The launderer kneads it thoroughly with salt, lye, and cow dung, and rinses it in clear water. |
sn22.89:12.3 |
Kiñcāpi taṁ hoti vatthaṁ parisuddhaṁ pariyodātaṁ, atha khvassa hoti yeva anusahagato ūsagandho vā khāragandho vā gomayagandho vā asamūhato. |
Although that cloth is clean and bright, it still has a lingering scent of salt, lye, or cow dung that had not been eradicated. |
sn22.89:12.4 |
Tamenaṁ rajako sāmikānaṁ deti. Tamenaṁ sāmikā gandhaparibhāvite karaṇḍake nikkhipanti. |
The launderer returns it to its owners, who store it in a fragrant casket. |
sn22.89:12.5 |
Yopissa hoti anusahagato ūsagandho vā khāragandho vā gomayagandho vā asamūhato, sopi samugghātaṁ gacchati. |
And that lingering scent would be eradicated. |
sn22.89:12.6 |
Evameva kho, āvuso, kiñcāpi ariyasāvakassa pañcorambhāgiyāni saṁyojanāni pahīnāni bhavanti, atha khvassa hoti yeva pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato. |
In the same way, although a noble disciple has given up the five lower fetters, they still have a lingering residue of the conceit ‘I am’, the desire ‘I am’, and the underlying tendency ‘I am’ which has not been eradicated. |
sn22.89:12.7 |
So aparena samayena pañcasu upādānakkhandhesu udayabbayānupassī viharati. |
After some time they meditate observing rise and fall in the five grasping aggregates. |
sn22.89:12.8 |
‘Iti rūpaṁ, iti rūpassa samudayo, iti rūpassa atthaṅgamo; |
‘Such is form, such is the origin of form, such is the disappearance of form. |
sn22.89:12.9 |
iti vedanā … |
Such is feeling … |
sn22.89:12.10 |
iti saññā … |
Such is perception … |
sn22.89:12.11 |
iti saṅkhārā … |
Such are choices … |
sn22.89:12.12 |
iti viññāṇaṁ, iti viññāṇassa samudayo, iti viññāṇassa atthaṅgamo’ti. |
Such is consciousness, such is the origin of consciousness, such is the disappearance of consciousness.’ |
sn22.89:12.13 |
Tassa imesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṁ gacchatī”ti. |
As they do so, that lingering residue is eradicated.” |
sn22.89:13.1 |
Evaṁ vutte, therā bhikkhū āyasmantaṁ khemakaṁ etadavocuṁ: |
When he said this, the senior mendicants said to Venerable Khemaka, |
sn22.89:13.2 |
“na kho mayaṁ āyasmantaṁ khemakaṁ vihesāpekhā pucchimha, api cāyasmā khemako pahosi tassa bhagavato sāsanaṁ vitthārena ācikkhituṁ desetuṁ paññāpetuṁ paṭṭhapetuṁ vivarituṁ vibhajituṁ uttānīkātuṁ. |
“We didn’t want to trouble Venerable Khemaka with our questions. But you’re capable of explaining, teaching, asserting, establishing, clarifying, analyzing, and revealing the Buddha’s instructions in detail. |
sn22.89:13.3 |
Tayidaṁ āyasmatā khemakena tassa bhagavato sāsanaṁ vitthārena ācikkhitaṁ desitaṁ paññāpitaṁ paṭṭhapitaṁ vivaritaṁ vibhajitaṁ uttānīkatan”ti. |
And that’s just what you’ve done.” |
sn22.89:14.1 |
Idamavoca āyasmā khemako. |
That is what Venerable Khemaka said. |
sn22.89:14.2 |
Attamanā therā bhikkhū āyasmato khemakassa bhāsitaṁ abhinanduṁ. |
Satisfied, the senior mendicants approved what Khemaka said. |
sn22.89:14.3 |
Imasmiñca pana veyyākaraṇasmiṁ bhaññamāne saṭṭhimattānaṁ therānaṁ bhikkhūnaṁ anupādāya āsavehi cittāni vimucciṁsu, āyasmato khemakassa cāti. |
And while this discourse was being spoken, the minds of sixty senior mendicants and of Venerable Khemaka were freed from defilements by not grasping. |
sn22.89:14.4 |
Sattamaṁ. |
|