sn28.10:0.1 Saṁyutta Nikāya 28.10 Linked Discourses 28.10
sn28.10:0.2 1. Sāriputtavagga 1. With Sāriputta
sn28.10:0.3 Sucimukhīsutta With Sucimukhī
sn28.10:1.1 Ekaṁ samayaṁ āyasmā sāriputto rājagahe viharati veḷuvane kalandakanivāpe. At one time Venerable Sāriputta was staying near Rājagaha in the Bamboo Grove, the squirrels’ feeding ground.
sn28.10:1.2 Atha kho āyasmā sāriputto pubbaṇhasamayaṁ nivāsetvā pattacīvaramādāya rājagahe piṇḍāya pāvisi. Then he robed up in the morning and, taking his bowl and robe, entered Rājagaha for alms.
sn28.10:1.3 Rājagahe sapadānaṁ piṇḍāya caritvā taṁ piṇḍapātaṁ aññataraṁ kuṭṭamūlaṁ nissāya paribhuñjati. After wandering indiscriminately for almsfood in Rājagaha, he ate his almsfood by a wall.
sn28.10:1.4 Atha kho sucimukhī paribbājikā yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca: Then the wanderer Sucimukhī went up to Venerable Sāriputta and said to him:
sn28.10:2.1 “Kiṁ nu kho, samaṇa, adhomukho bhuñjasī”ti? “Ascetic, do you eat facing downwards?”
sn28.10:2.2 “Na khvāhaṁ, bhagini, adhomukho bhuñjāmī”ti. “No, sister.”
sn28.10:2.3 “Tena hi, samaṇa, ubbhamukho bhuñjasī”ti? “Well then, do you eat facing upwards?”
sn28.10:2.4 “Na khvāhaṁ, bhagini, ubbhamukho bhuñjāmī”ti. “No, sister.”
sn28.10:2.5 “Tena hi, samaṇa, disāmukho bhuñjasī”ti? “Well then, do you eat facing the cardinal directions?”
sn28.10:2.6 “Na khvāhaṁ, bhagini, disāmukho bhuñjāmī”ti. “No, sister.”
sn28.10:2.7 “Tena hi, samaṇa, vidisāmukho bhuñjasī”ti? “Well then, do you eat facing the intermediate directions?”
sn28.10:2.8 “Na khvāhaṁ, bhagini, vidisāmukho bhuñjāmī”ti. “No, sister.”
sn28.10:3.1 “‘Kiṁ nu, samaṇa, adhomukho bhuñjasī’ti iti puṭṭho samāno ‘na khvāhaṁ, bhagini, adhomukho bhuñjāmī’ti vadesi. “When asked if you eat facing all these directions, you answer ‘no, sister’.
sn28.10:3.2 ‘Tena hi, samaṇa, ubbhamukho bhuñjasī’ti iti puṭṭho samāno ‘na khvāhaṁ, bhagini, ubbhamukho bhuñjāmī’ti vadesi.  
sn28.10:3.3 ‘Tena hi, samaṇa, disāmukho bhuñjasī’ti iti puṭṭho samāno ‘na khvāhaṁ, bhagini, disāmukho bhuñjāmī’ti vadesi.  
sn28.10:3.4 ‘Tena hi, samaṇa, vidisāmukho bhuñjasī’ti iti puṭṭho samāno ‘na khvāhaṁ, bhagini, vidisāmukho bhuñjāmī’ti vadesi.  
sn28.10:4.1 Kathañcarahi, samaṇa, bhuñjasī”ti? How then do you eat, ascetic?”
sn28.10:4.2 “Ye hi keci, bhagini, samaṇabrāhmaṇā vatthuvijjātiracchānavijjāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘adhomukhā bhuñjantī’ti. “Sister, those ascetics and brahmins who earn a living by geomancy—a low lore, a wrong livelihood—are said to eat facing downwards.
sn28.10:4.3 Ye hi keci, bhagini, samaṇabrāhmaṇā nakkhattavijjātiracchānavijjāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘ubbhamukhā bhuñjantī’ti. Those ascetics and brahmins who earn a living by astrology—a low lore, a wrong livelihood—are said to eat facing upwards.
sn28.10:4.4 Ye hi keci, bhagini, samaṇabrāhmaṇā dūteyyapahiṇagamanānuyogāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘disāmukhā bhuñjantī’ti. Those ascetics and brahmins who earn a living by running errands and messages—a wrong livelihood—are said to eat facing the cardinal directions.
sn28.10:4.5 Ye hi keci, bhagini, samaṇabrāhmaṇā aṅgavijjātiracchānavijjāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘vidisāmukhā bhuñjantī’ti. Those ascetics and brahmins who earn a living by limb-reading—a low lore, a wrong livelihood—are said to eat facing the intermediate directions.
sn28.10:5.1 So khvāhaṁ, bhagini, na vatthuvijjātiracchānavijjāya micchājīvena jīvikaṁ kappemi, na nakkhattavijjātiracchānavijjāya micchājīvena jīvikaṁ kappemi, na dūteyyapahiṇagamanānuyogāya micchājīvena jīvikaṁ kappemi, na aṅgavijjātiracchānavijjāya micchājīvena jīvikaṁ kappemi. I don’t earn a living by any of these means.
sn28.10:5.2 Dhammena bhikkhaṁ pariyesāmi; I seek alms in a principled manner,
sn28.10:5.3 dhammena bhikkhaṁ pariyesitvā bhuñjāmī”ti. and I eat it in a principled manner.”
sn28.10:6.1 Atha kho sucimukhī paribbājikā rājagahe rathiyāya rathiyaṁ, siṅghāṭakena siṅghāṭakaṁ upasaṅkamitvā evamārocesi: Then Sucimukhī the wanderer went around Rājagaha from street to street and from square to square, and announced:
sn28.10:6.2 “dhammikaṁ samaṇā sakyaputtiyā āhāraṁ āhārenti; “The ascetics who follow the Sakyan eat food in a principled manner!
sn28.10:6.3 anavajjaṁ samaṇā sakyaputtiyā āhāraṁ āhārenti. The ascetics who follow the Sakyan eat food blamelessly!
sn28.10:6.4 Detha samaṇānaṁ sakyaputtiyānaṁ piṇḍan”ti. Give almsfood to the ascetics who follow the Sakyan!”
sn28.10:6.5 Dasamaṁ.  
sn28.10:6.6 Sāriputtavaggo paṭhamo.  
sn28.10:7.0 Tassuddānaṁ  
sn28.10:7.1 Vivekajaṁ avitakkaṁ,  
sn28.10:7.2 pīti upekkhā catutthakaṁ;  
sn28.10:7.3 Ākāsañceva viññāṇaṁ,  
sn28.10:7.4 ākiñcaṁ nevasaññinā;  
sn28.10:7.5 Nirodho navamo vutto,  
sn28.10:7.6 dasamaṁ sūcimukhī cāti.  
sn28.10:7.7 Sāriputtasaṁyuttaṁ samattaṁ. The Linked Discourses on Sāriputta are complete.