sn3.4:0.1 Saṁyutta Nikāya 3.4 Linked Discourses 3.4
sn3.4:0.2 1. Paṭhamavagga 1. Shackles
sn3.4:0.3 Piyasutta Loved
sn3.4:1.1 Sāvatthinidānaṁ. At Sāvatthī.
sn3.4:1.2 Ekamantaṁ nisinno kho rājā pasenadi kosalo bhagavantaṁ etadavoca: Seated to one side, King Pasenadi said to the Buddha,
sn3.4:1.3 “idha mayhaṁ, bhante, rahogatassa paṭisallīnassa evaṁ cetaso parivitakko udapādi: “Just now, sir, as I was in private retreat this thought came to mind.
sn3.4:1.4 ‘kesaṁ nu kho piyo attā, kesaṁ appiyo attā’ti? ‘Who are those who love themselves? And who are those who don’t love themselves?’
sn3.4:1.5 Tassa mayhaṁ, bhante, etadahosi: Then it occurred to me:
sn3.4:1.6 ‘ye ca kho keci kāyena duccaritaṁ caranti, vācāya duccaritaṁ caranti, manasā duccaritaṁ caranti; ‘Those who do bad things by way of body, speech, and mind
sn3.4:1.7 tesaṁ appiyo attā. don’t love themselves.
sn3.4:1.8 Kiñcāpi te evaṁ vadeyyuṁ: Even though they may say:
sn3.4:1.9 “piyo no attā”ti, atha kho tesaṁ appiyo attā’. “I love myself”, they don’t really.
sn3.4:1.10 Taṁ kissa hetu? Why is that?
sn3.4:1.11 Yañhi appiyo appiyassa kareyya, taṁ te attanāva attano karonti; It’s because they treat themselves like an enemy.
sn3.4:1.12 tasmā tesaṁ appiyo attā. That’s why they don’t love themselves.
sn3.4:1.13 Ye ca kho keci kāyena sucaritaṁ caranti, vācāya sucaritaṁ caranti, manasā sucaritaṁ caranti; Those who do good things by way of body, speech, and mind
sn3.4:1.14 tesaṁ piyo attā. do love themselves.
sn3.4:1.15 Kiñcāpi te evaṁ vadeyyuṁ: Even though they may say:
sn3.4:1.16 ‘appiyo no attā’ti; atha kho tesaṁ piyo attā. “I don’t love myself”, they do really.
sn3.4:1.17 Taṁ kissa hetu? Why is that?
sn3.4:1.18 Yañhi piyo piyassa kareyya, taṁ te attanāva attano karonti; It’s because they treat themselves like a loved one.
sn3.4:1.19 tasmā tesaṁ piyo attā”ti. That’s why they do love themselves.’”
sn3.4:2.1 “Evametaṁ, mahārāja, evametaṁ, mahārāja. “That’s so true, Great King! That’s so true!” said the Buddha. And he repeated the king’s statement, adding:
sn3.4:2.2 Ye hi keci, mahārāja, kāyena duccaritaṁ caranti, vācāya duccaritaṁ caranti, manasā duccaritaṁ caranti;  
sn3.4:2.3 tasmā tesaṁ appiyo attā.  
sn3.4:2.4 Kiñcāpi te evaṁ vadeyyuṁ:  
sn3.4:2.5 ‘piyo no attā’ti, atha kho tesaṁ appiyo attā.  
sn3.4:2.6 Taṁ kissa hetu?  
sn3.4:2.7 Yañhi, mahārāja, appiyo appiyassa kareyya, taṁ te attanāva attano karonti;  
sn3.4:2.8 tasmā tesaṁ appiyo attā.  
sn3.4:2.9 Ye ca kho keci, mahārāja, kāyena sucaritaṁ caranti, vācāya sucaritaṁ caranti, manasā sucaritaṁ caranti;  
sn3.4:2.10 tesaṁ piyo attā.  
sn3.4:2.11 Kiñcāpi te evaṁ vadeyyuṁ:  
sn3.4:2.12 ‘appiyo no attā’ti;  
sn3.4:2.13 atha kho tesaṁ piyo attā.  
sn3.4:2.14 Taṁ kissa hetu?  
sn3.4:2.15 Yañhi, mahārāja, piyo piyassa kareyya, taṁ te attanāva attano karonti;  
sn3.4:2.16 tasmā tesaṁ piyo attā”ti.  
sn3.4:2.17 Idamavoca …pe…  
sn3.4:3.1 “Attānañce piyaṁ jaññā, “If you knew your self as beloved,
sn3.4:3.2 na naṁ pāpena saṁyuje; you’d not yoke yourself to wickedness.
sn3.4:3.3 Na hi taṁ sulabhaṁ hoti, For happiness is not easy to find
sn3.4:3.4 sukhaṁ dukkaṭakārinā. by someone who does bad deeds.
sn3.4:4.1 Antakenādhipannassa, When you’re seized by the terminator
sn3.4:4.2 jahato mānusaṁ bhavaṁ; as you give up your human life,
sn3.4:4.3 Kiñhi tassa sakaṁ hoti, what can you call your own?
sn3.4:4.4 kiñca ādāya gacchati; What do you take when you go?
sn3.4:4.5 Kiñcassa anugaṁ hoti, What goes with you,
sn3.4:4.6 chāyāva anapāyinī. like a shadow that never leaves?
sn3.4:5.1 Ubho puññañca pāpañca, Both the good and the bad
sn3.4:5.2 yaṁ macco kurute idha; that a mortal does in this life
sn3.4:5.3 Tañhi tassa sakaṁ hoti, is what they can call their own.
sn3.4:5.4 taṁva ādāya gacchati; That’s what they take when they go.
sn3.4:5.5 Taṁvassa anugaṁ hoti, That’s what goes with them,
sn3.4:5.6 chāyāva anapāyinī. like a shadow that never leaves.
sn3.4:6.1 Tasmā kareyya kalyāṇaṁ, That’s why you should do good,
sn3.4:6.2 nicayaṁ samparāyikaṁ; investing in the future life.
sn3.4:6.3 Puññāni paralokasmiṁ, The good deeds of sentient beings
sn3.4:6.4 patiṭṭhā honti pāṇinan”ti. support them in the next world.”