sn35.101:0.1 Saṁyutta Nikāya 35.101 Linked Discourses 35.101
sn35.101:0.2 10. Saḷavagga 10. The Sixes
sn35.101:0.3 Paṭhamanatumhākasutta It’s Not Yours (1st)
sn35.101:1.1 “Yaṁ, bhikkhave, na tumhākaṁ, taṁ pajahatha. “Mendicants, give up what’s not yours.
sn35.101:1.2 Taṁ vo pahīnaṁ hitāya sukhāya bhavissati. Giving it up will be for your welfare and happiness.
sn35.101:1.3 Kiñca, bhikkhave, na tumhākaṁ? And what isn’t yours?
sn35.101:1.4 Cakkhu, bhikkhave, na tumhākaṁ. The eye isn’t yours: give it up.
sn35.101:1.5 Taṁ pajahatha.  
sn35.101:1.6 Taṁ vo pahīnaṁ hitāya sukhāya bhavissati. Giving it up will be for your welfare and happiness.
sn35.101:1.7 Rūpā na tumhākaṁ. Sights …
sn35.101:1.8 Te pajahatha.  
sn35.101:1.9 Te vo pahīnā hitāya sukhāya bhavissanti.  
sn35.101:1.10 Cakkhuviññāṇaṁ na tumhākaṁ. Eye consciousness …
sn35.101:1.11 Taṁ pajahatha.  
sn35.101:1.12 Taṁ vo pahīnaṁ hitāya sukhāya bhavissati.  
sn35.101:1.13 Cakkhusamphasso na tumhākaṁ. Eye contact …
sn35.101:1.14 Taṁ pajahatha.  
sn35.101:1.15 So vo pahīno hitāya sukhāya bhavissati.  
sn35.101:1.16 Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na tumhākaṁ. The pleasant, painful, or neutral feeling that arises dependent on eye contact isn’t yours: give it up.
sn35.101:1.17 Taṁ pajahatha.  
sn35.101:1.18 Taṁ vo pahīnaṁ hitāya sukhāya bhavissati. Giving it up will be for your welfare and happiness.
sn35.101:1.19 …pe…  
sn35.101:2.1 Jivhā na tumhākaṁ. The ear … nose … tongue … body …
sn35.101:2.2 Taṁ pajahatha.  
sn35.101:2.3 Sā vo pahīnā hitāya sukhāya bhavissati.  
sn35.101:2.4 Rasā na tumhākaṁ.  
sn35.101:2.5 Te pajahatha.  
sn35.101:2.6 Te vo pahīnā hitāya sukhāya bhavissanti.  
sn35.101:2.7 Jivhāviññāṇaṁ na tumhākaṁ.  
sn35.101:2.8 Taṁ pajahatha.  
sn35.101:2.9 Taṁ vo pahīnaṁ hitāya sukhāya bhavissati.  
sn35.101:2.10 Jivhāsamphasso na tumhākaṁ.  
sn35.101:2.11 Taṁ pajahatha.  
sn35.101:2.12 So vo pahīno hitāya sukhāya bhavissati.  
sn35.101:2.13 Yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na tumhākaṁ.  
sn35.101:2.14 Taṁ pajahatha. Taṁ vo pahīnaṁ hitāya sukhāya bhavissati …pe….  
sn35.101:3.1 Mano na tumhākaṁ. The mind isn’t yours: give it up.
sn35.101:3.2 Taṁ pajahatha.  
sn35.101:3.3 So vo pahīno hitāya sukhāya bhavissati. Giving it up will be for your welfare and happiness.
sn35.101:3.4 Dhammā na tumhākaṁ. Ideas …
sn35.101:3.5 Te pajahatha.  
sn35.101:3.6 Te vo pahīnā hitāya sukhāya bhavissanti.  
sn35.101:3.7 Manoviññāṇaṁ na tumhākaṁ. Mind consciousness …
sn35.101:3.8 Taṁ pajahatha.  
sn35.101:3.9 Taṁ vo pahīnaṁ hitāya sukhāya bhavissati.  
sn35.101:3.10 Manosamphasso na tumhākaṁ. Mind contact …
sn35.101:3.11 Taṁ pajahatha.  
sn35.101:3.12 So vo pahīno hitāya sukhāya bhavissati.  
sn35.101:3.13 Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na tumhākaṁ. The pleasant, painful, or neutral feeling that arises dependent on mind contact isn’t yours: give it up.
sn35.101:3.14 Taṁ pajahatha.  
sn35.101:3.15 Taṁ vo pahīnaṁ hitāya sukhāya bhavissati. Giving it up will be for your welfare and happiness.
sn35.101:4.1 Seyyathāpi, bhikkhave, yaṁ imasmiṁ jetavane tiṇakaṭṭhasākhāpalāsaṁ taṁ jano hareyya vā ḍaheyya vā yathāpaccayaṁ vā kareyya, Suppose a person was to carry off the grass, sticks, branches, and leaves in this Jeta’s Grove, or burn them, or do what they want with them.
sn35.101:4.2 api nu tumhākaṁ evamassa: Would you think:
sn35.101:4.3 ‘amhe jano harati vā ḍahati vā yathāpaccayaṁ vā karotī’”ti? ‘This person is carrying us off, burning us, or doing what they want with us’?”
sn35.101:5.1 “No hetaṁ, bhante”. “No, sir.
sn35.101:6.1 “Taṁ kissa hetu”? Why is that?
sn35.101:7.1 “Na hi no etaṁ, bhante, attā vā attaniyaṁ vā”ti. Because to us that’s neither self nor belonging to self.”
sn35.101:8.1 “Evameva kho, bhikkhave, cakkhu na tumhākaṁ. “In the same way, the eye isn’t yours: give it up.
sn35.101:8.2 Taṁ pajahatha.  
sn35.101:8.3 Taṁ vo pahīnaṁ hitāya sukhāya bhavissati. Giving it up will be for your welfare and happiness. …
sn35.101:8.4 Rūpā na tumhākaṁ …  
sn35.101:8.5 cakkhuviññāṇaṁ …  
sn35.101:8.6 cakkhusamphasso …pe…  
sn35.101:8.7 yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na tumhākaṁ. The pleasant, painful, or neutral feeling that arises dependent on mind contact isn’t yours: give it up.
sn35.101:8.8 Taṁ pajahatha.  
sn35.101:8.9 Taṁ vo pahīnaṁ hitāya sukhāya bhavissatī”ti. Giving it up will be for your welfare and happiness.”
sn35.101:8.10 Aṭṭhamaṁ.