sn35.238:0.1 |
Saṁyutta Nikāya 35.238 |
Linked Discourses 35.238 |
sn35.238:0.2 |
19. Āsīvisavagga |
19. The Simile of the Vipers |
sn35.238:0.3 |
Āsīvisopamasutta |
The Simile of the Vipers |
sn35.238:1.1 |
“Seyyathāpi, bhikkhave, cattāro āsīvisā uggatejā ghoravisā. |
“Mendicants, suppose there were four venomous vipers of awesome might. |
sn35.238:1.2 |
Atha puriso āgaccheyya jīvitukāmo amaritukāmo sukhakāmo dukkhappaṭikūlo. |
Then a person would come along who wants to live and doesn’t want to die, who wants to be happy and recoils from pain. |
sn35.238:1.3 |
Tamenaṁ evaṁ vadeyyuṁ: |
They’d say to him, |
sn35.238:1.4 |
‘ime te, ambho purisa, cattāro āsīvisā uggatejā ghoravisā kālena kālaṁ vuṭṭhāpetabbā, kālena kālaṁ nhāpetabbā, kālena kālaṁ bhojetabbā, kālena kālaṁ saṁvesetabbā. |
‘My man, here are four venomous vipers of awesome might. They must be periodically picked up, washed, fed, and put to sleep. |
sn35.238:1.5 |
Yadā ca kho te, ambho purisa, imesaṁ catunnaṁ āsīvisānaṁ uggatejānaṁ ghoravisānaṁ aññataro vā aññataro vā kuppissati, tato tvaṁ, ambho purisa, maraṇaṁ vā nigacchasi, maraṇamattaṁ vā dukkhaṁ. |
But when one or other of these four venomous vipers gets angry with you, you’ll meet with death or deadly pain. |
sn35.238:1.6 |
Yaṁ te, ambho purisa, karaṇīyaṁ taṁ karohī’ti. |
So then, my man, do what has to be done.’ |
sn35.238:2.1 |
Atha kho so, bhikkhave, puriso bhīto catunnaṁ āsīvisānaṁ uggatejānaṁ ghoravisānaṁ yena vā tena vā palāyetha. |
Then that man, terrified of those four venomous vipers, would flee this way or that. |
sn35.238:2.2 |
Tamenaṁ evaṁ vadeyyuṁ: |
They’d say to him, |
sn35.238:2.3 |
‘ime kho, ambho purisa, pañca vadhakā paccatthikā piṭṭhito piṭṭhito anubandhā, yattheva naṁ passissāma tattheva jīvitā voropessāmāti. |
‘My man, there are five deadly enemies chasing you, thinking: “When we catch sight of him, we’ll murder him right there!” |
sn35.238:2.4 |
Yaṁ te, ambho purisa, karaṇīyaṁ taṁ karohī’ti. |
So then, my man, do what has to be done.’ |
sn35.238:3.1 |
Atha kho so, bhikkhave, puriso bhīto catunnaṁ āsīvisānaṁ uggatejānaṁ ghoravisānaṁ, bhīto pañcannaṁ vadhakānaṁ paccatthikānaṁ yena vā tena vā palāyetha. |
Then that man, terrified of those four venomous vipers and those five deadly enemies, would flee this way or that. |
sn35.238:3.2 |
Tamenaṁ evaṁ vadeyyuṁ: |
They’d say to him, |
sn35.238:3.3 |
‘ayaṁ te, ambho purisa, chaṭṭho antaracaro vadhako ukkhittāsiko piṭṭhito piṭṭhito anubandho yattheva naṁ passissāmi tattheva siro pātessāmīti. |
‘My man, there’s a sixth hidden killer chasing you with a drawn sword, thinking: “When I catch sight of him, I’ll chop off his head right there!” |
sn35.238:3.4 |
Yaṁ te, ambho purisa, karaṇīyaṁ taṁ karohī’ti. |
So then, my man, do what has to be done.’ |
sn35.238:4.1 |
Atha kho so, bhikkhave, puriso bhīto catunnaṁ āsīvisānaṁ uggatejānaṁ ghoravisānaṁ, bhīto pañcannaṁ vadhakānaṁ paccatthikānaṁ, bhīto chaṭṭhassa antaracarassa vadhakassa ukkhittāsikassa yena vā tena vā palāyetha. |
Then that man, terrified of those four venomous vipers and those five deadly enemies and the hidden killer, would flee this way or that. |
sn35.238:4.2 |
So passeyya suññaṁ gāmaṁ. |
He’d see an empty village. |
sn35.238:4.3 |
Yaññadeva gharaṁ paviseyya rittakaññeva paviseyya tucchakaññeva paviseyya suññakaññeva paviseyya. |
But whatever house he enters is vacant, deserted, and empty. |
sn35.238:4.4 |
Yaññadeva bhājanaṁ parimaseyya rittakaññeva parimaseyya tucchakaññeva parimaseyya suññakaññeva parimaseyya. |
And whatever vessel he touches is vacant, hollow, and empty. |
sn35.238:4.5 |
Tamenaṁ evaṁ vadeyyuṁ: |
They’d say to him, |
sn35.238:4.6 |
‘idāni, ambho purisa, imaṁ suññaṁ gāmaṁ corā gāmaghātakā pavisanti. |
‘My man, there are bandits who raid villages, and they’re striking now. |
sn35.238:4.7 |
Yaṁ te, ambho purisa, karaṇīyaṁ taṁ karohī’ti. |
So then, my man, do what has to be done.’ |
sn35.238:5.1 |
Atha kho so, bhikkhave, puriso bhīto catunnaṁ āsīvisānaṁ uggatejānaṁ ghoravisānaṁ, bhīto pañcannaṁ vadhakānaṁ paccatthikānaṁ, bhīto chaṭṭhassa antaracarassa vadhakassa ukkhittāsikassa, bhīto corānaṁ gāmaghātakānaṁ yena vā tena vā palāyetha. |
Then that man, terrified of those four venomous vipers and those five deadly enemies and the hidden killer and the bandits, would flee this way or that. |
sn35.238:5.2 |
So passeyya mahantaṁ udakaṇṇavaṁ orimaṁ tīraṁ sāsaṅkaṁ sappaṭibhayaṁ, pārimaṁ tīraṁ khemaṁ appaṭibhayaṁ. |
He’d see a large deluge, whose near shore is dubious and perilous, while the far shore is a sanctuary free of peril. |
sn35.238:5.3 |
Na cassa nāvā santāraṇī uttarasetu vā apārā pāraṁ gamanāya. |
But there’s no ferryboat or bridge for crossing over. |
sn35.238:5.4 |
Atha kho, bhikkhave, tassa purisassa evamassa: |
Then that man would think, |
sn35.238:5.5 |
‘ayaṁ kho mahāudakaṇṇavo orimaṁ tīraṁ sāsaṅkaṁ sappaṭibhayaṁ, pārimaṁ tīraṁ khemaṁ appaṭibhayaṁ, natthi ca nāvā santāraṇī uttarasetu vā apārā pāraṁ gamanāya. |
|
sn35.238:5.6 |
Yannūnāhaṁ tiṇakaṭṭhasākhāpalāsaṁ saṅkaḍḍhitvā kullaṁ bandhitvā taṁ kullaṁ nissāya hatthehi ca pādehi ca vāyamamāno sotthinā pāraṁ gaccheyyan’ti. |
‘Why don’t I gather grass, sticks, branches, and leaves and make a raft? Riding on the raft, and paddling with my hands and feet, I can safely reach the far shore.’ |
sn35.238:6.1 |
Atha kho so, bhikkhave, puriso tiṇakaṭṭhasākhāpalāsaṁ saṅkaḍḍhitvā kullaṁ bandhitvā taṁ kullaṁ nissāya hatthehi ca pādehi ca vāyamamāno sotthinā pāraṁ gaccheyya, tiṇṇo pāraṅgato thale tiṭṭhati brāhmaṇo. |
And so that man did exactly that. Having crossed over and gone to the far shore, the brahmin stands on solid ground. |
sn35.238:7.1 |
Upamā kho myāyaṁ, bhikkhave, katā atthassa viññāpanāya. |
I’ve made up this simile to make a point. |
sn35.238:7.2 |
Ayañcettha attho— |
And this is the point. |
sn35.238:7.3 |
cattāro āsīvisā uggatejā ghoravisāti kho, bhikkhave, catunnetaṁ mahābhūtānaṁ adhivacanaṁ— |
‘Four venomous vipers of awesome might’ is a term for the four principal states: |
sn35.238:7.4 |
pathavīdhātuyā, āpodhātuyā, tejodhātuyā, vāyodhātuyā. |
the elements of earth, water, fire, and air. |
sn35.238:8.1 |
Pañca vadhakā paccatthikāti kho, bhikkhave, pañcannetaṁ upādānakkhandhānaṁ adhivacanaṁ, seyyathidaṁ— |
‘Five deadly enemies’ is a term for the five grasping aggregates, that is: |
sn35.238:8.2 |
rūpupādānakkhandhassa, vedanupādānakkhandhassa, saññupādānakkhandhassa, saṅkhārupādānakkhandhassa, viññāṇupādānakkhandhassa. |
form, feeling, perception, choices, and consciousness. |
sn35.238:9.1 |
Chaṭṭho antaracaro vadhako ukkhittāsikoti kho, bhikkhave, nandīrāgassetaṁ adhivacanaṁ. |
‘The sixth hidden killer with a drawn sword’ is a term for relishing and greed. |
sn35.238:10.1 |
Suñño gāmoti kho, bhikkhave, channetaṁ ajjhattikānaṁ āyatanānaṁ adhivacanaṁ. |
‘Empty village’ is a term for the six interior sense fields. |
sn35.238:10.2 |
Cakkhuto cepi naṁ, bhikkhave, paṇḍito byatto medhāvī upaparikkhati rittakaññeva khāyati, tucchakaññeva khāyati, suññakaññeva khāyati …pe… |
If an astute, competent, intelligent person investigates that in relation to the eye, it appears vacant, hollow, and empty. |
sn35.238:10.3 |
jivhāto cepi naṁ, bhikkhave …pe… |
If an astute, competent, intelligent person investigates that in relation to the ear … nose … tongue … body … |
sn35.238:10.4 |
manato cepi naṁ, bhikkhave, paṇḍito byatto medhāvī upaparikkhati rittakaññeva khāyati, tucchakaññeva khāyati, suññakaññeva khāyati. |
mind, it appears vacant, hollow, and empty. |
sn35.238:11.1 |
Corā gāmaghātakāti kho, bhikkhave, channetaṁ bāhirānaṁ āyatanānaṁ adhivacanaṁ. |
‘Bandits who raid villages’ is a term for the six exterior sense fields. |
sn35.238:11.2 |
Cakkhu, bhikkhave, haññati manāpāmanāpesu rūpesu; |
The eye is struck by both agreeable and disagreeable sights. |
sn35.238:11.3 |
sotaṁ, bhikkhave …pe… |
The ear … |
sn35.238:11.4 |
ghānaṁ, bhikkhave …pe… |
nose … |
sn35.238:11.5 |
jivhā, bhikkhave, haññati manāpāmanāpesu rasesu; |
tongue … |
sn35.238:11.6 |
kāyo, bhikkhave …pe… |
body … |
sn35.238:11.7 |
mano, bhikkhave, haññati manāpāmanāpesu dhammesu. |
mind is struck by both agreeable and disagreeable ideas. |
sn35.238:12.1 |
Mahā udakaṇṇavoti kho, bhikkhave, catunnetaṁ oghānaṁ adhivacanaṁ— |
‘Large deluge’ is a term for the four floods: |
sn35.238:12.2 |
kāmoghassa, bhavoghassa, diṭṭhoghassa, avijjoghassa. |
the floods of sensual pleasures, desire to be reborn, views, and ignorance. |
sn35.238:13.1 |
Orimaṁ tīraṁ sāsaṅkaṁ sappaṭibhayanti kho, bhikkhave, sakkāyassetaṁ adhivacanaṁ. |
‘The near shore that’s dubious and perilous’ is a term for substantial reality. |
sn35.238:14.1 |
Pārimaṁ tīraṁ khemaṁ appaṭibhayanti kho, bhikkhave, nibbānassetaṁ adhivacanaṁ. |
‘The far shore, a sanctuary free of peril’ is a term for extinguishment. |
sn35.238:15.1 |
Kullanti kho, bhikkhave, ariyassetaṁ aṭṭhaṅgikassa maggassa adhivacanaṁ, seyyathidaṁ— |
‘The raft’ is a term for the noble eightfold path, that is: |
sn35.238:15.2 |
sammādiṭṭhi …pe… sammāsamādhi. |
right view, right purpose, right speech, right action, right livelihood, right effort, right mindfulness, and right immersion. |
sn35.238:16.1 |
Tassa hatthehi ca pādehi ca vāyāmoti kho, bhikkhave, vīriyārambhassetaṁ adhivacanaṁ. |
‘Paddling with hands and feet’ is a term for rousing energy. |
sn35.238:17.1 |
Tiṇṇo pāraṅgato thale tiṭṭhati brāhmaṇoti kho, bhikkhave, arahato etaṁ adhivacanan”ti. |
‘Crossed over, gone to the far shore, the brahmin stands on solid ground’ is a term for a perfected one.” |
sn35.238:17.2 |
Paṭhamaṁ. |
|