sn35.53:0.1 |
Saṁyutta Nikāya 35.53 |
Linked Discourses 35.53 |
sn35.53:0.2 |
6. Avijjāvagga |
6. Ignorance |
sn35.53:0.3 |
Avijjāpahānasutta |
Giving Up Ignorance |
sn35.53:1.1 |
Sāvatthinidānaṁ. |
At Sāvatthī. |
sn35.53:1.2 |
Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca: |
Then a mendicant went up to the Buddha, bowed, sat down to one side, and said to him: |
sn35.53:1.3 |
“kathaṁ nu kho, bhante, jānato kathaṁ passato avijjā pahīyati, vijjā uppajjatī”ti? |
“Sir, how does one know and see so as to give up ignorance and give rise to knowledge?” |
sn35.53:2.1 |
“Cakkhuṁ kho, bhikkhu, aniccato jānato passato avijjā pahīyati, vijjā uppajjati. |
“Mendicant, knowing and seeing the eye, sights, eye consciousness, and eye contact as impermanent, ignorance is given up and knowledge arises. |
sn35.53:2.2 |
Rūpe aniccato jānato passato avijjā pahīyati, vijjā uppajjati. |
|
sn35.53:2.3 |
Cakkhuviññāṇaṁ … |
|
sn35.53:2.4 |
cakkhusamphassaṁ … |
|
sn35.53:2.5 |
yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccato jānato passato avijjā pahīyati, vijjā uppajjati. |
And also knowing and seeing the pleasant, painful, or neutral feeling that arises dependent on eye contact as impermanent, ignorance is given up and knowledge arises. |
sn35.53:2.6 |
Sotaṁ … |
Knowing and seeing the ear … |
sn35.53:2.7 |
ghānaṁ … |
nose … |
sn35.53:2.8 |
jivhaṁ … |
tongue … |
sn35.53:2.9 |
kāyaṁ … |
body … |
sn35.53:2.10 |
manaṁ aniccato jānato passato avijjā pahīyati, vijjā uppajjati. |
Knowing and seeing the mind, ideas, mind consciousness, and mind contact as impermanent, ignorance is given up and knowledge arises. |
sn35.53:2.11 |
Dhamme … |
|
sn35.53:2.12 |
manoviññāṇaṁ … |
|
sn35.53:2.13 |
manosamphassaṁ … |
|
sn35.53:2.14 |
yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccato jānato passato avijjā pahīyati, vijjā uppajjati. |
And also knowing and seeing the pleasant, painful, or neutral feeling that arises dependent on mind contact as impermanent, ignorance is given up and knowledge arises. |
sn35.53:2.15 |
Evaṁ kho, bhikkhu, jānato evaṁ passato avijjā pahīyati, vijjā uppajjatī”ti. |
That’s how to know and see so as to give up ignorance and give rise to knowledge.” |
sn35.53:2.16 |
Paṭhamaṁ. |
|