sn35.74:0.1 |
Saṁyutta Nikāya 35.74 |
Linked Discourses 35.74 |
sn35.74:0.2 |
8. Gilānavagga |
8. Sick |
sn35.74:0.3 |
Paṭhamagilānasutta |
Sick (1st) |
sn35.74:1.1 |
Sāvatthinidānaṁ. |
At Sāvatthī. |
sn35.74:1.2 |
Atha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca: |
Then a mendicant went up to the Buddha, and said to him, |
sn35.74:1.3 |
“amukasmiṁ, bhante, vihāre aññataro bhikkhu navo appaññāto ābādhiko dukkhito bāḷhagilāno. |
“Sir, in such-and-such monastery there’s a mendicant who is junior and not well-known. He’s sick, suffering, gravely ill. |
sn35.74:1.4 |
Sādhu, bhante, bhagavā yena so bhikkhu tenupasaṅkamatu anukampaṁ upādāyā”ti. |
Please go to him out of sympathy.” |
sn35.74:2.1 |
Atha kho bhagavā navavādañca sutvā gilānavādañca, “appaññāto bhikkhū”ti iti viditvā yena so bhikkhu tenupasaṅkami. |
When the Buddha heard that the mendicant was junior and ill, understanding that he was not well-known, he went to him. |
sn35.74:2.2 |
Addasā kho so bhikkhu bhagavantaṁ dūratova āgacchantaṁ. |
That mendicant saw the Buddha coming off in the distance |
sn35.74:2.3 |
Disvāna mañcake samadhosi. |
and stirred in his cot. |
sn35.74:2.4 |
Atha kho bhagavā taṁ bhikkhuṁ etadavoca: |
The Buddha said to that monk, |
sn35.74:2.5 |
“alaṁ, bhikkhu, mā tvaṁ mañcake samadhosi. |
“It’s all right, mendicant, don’t get up. |
sn35.74:2.6 |
Santimāni āsanāni paññattāni, tatthāhaṁ nisīdissāmī”ti. |
There are some seats spread out, I will sit there.” |
sn35.74:2.7 |
Nisīdi bhagavā paññatte āsane. |
He sat down on the seat spread out |
sn35.74:2.8 |
Nisajja kho bhagavā taṁ bhikkhuṁ etadavoca: |
and said to the mendicant, |
sn35.74:2.9 |
“kacci te, bhikkhu, khamanīyaṁ, kacci yāpanīyaṁ, kacci dukkhā vedanā paṭikkamanti no abhikkamanti, paṭikkamosānaṁ paññāyati no abhikkamo”ti? |
“I hope you’re keeping well, mendicant, I hope you’re all right. I hope your pain is fading, not growing; that its fading is evident, not its growing.” |
sn35.74:3.1 |
“Na me, bhante, khamanīyaṁ, na yāpanīyaṁ, bāḷhā me dukkhā vedanā abhikkamanti no paṭikkamanti, abhikkamosānaṁ paññāyati no paṭikkamo”ti. |
“Sir, I’m not keeping well, I’m not getting by. My pain is terrible and growing, not fading; its growing is evident, not its fading.” |
sn35.74:4.1 |
“Kacci te, bhikkhu, na kiñci kukkuccaṁ, na koci vippaṭisāro”ti? |
“I hope you don’t have any remorse or regret?” |
sn35.74:5.1 |
“Taggha me, bhante, anappakaṁ kukkuccaṁ, anappako vippaṭisāro”ti. |
“Indeed, sir, I have no little remorse and regret.” |
sn35.74:6.1 |
“Kacci pana taṁ, bhikkhu, attā sīlato upavadatī”ti? |
“I hope you have no reason to blame yourself when it comes to ethical conduct?” |
sn35.74:7.1 |
“Na kho maṁ, bhante, attā sīlato upavadatī”ti. |
“No sir, I have no reason to blame myself when it comes to ethical conduct.” |
sn35.74:8.1 |
“No ce kira te, bhikkhu, attā sīlato upavadati, atha kiñca te kukkuccaṁ ko ca vippaṭisāro”ti? |
“In that case, mendicant, why do you have remorse and regret?” |
sn35.74:9.1 |
“Na khvāhaṁ, bhante, sīlavisuddhatthaṁ bhagavatā dhammaṁ desitaṁ ājānāmī”ti. |
“Because I understand that the Buddha has not taught the Dhamma merely for the sake of ethical purity.” |
sn35.74:10.1 |
“No ce kira tvaṁ, bhikkhu, sīlavisuddhatthaṁ mayā dhammaṁ desitaṁ ājānāsi, atha kimatthaṁ carahi tvaṁ, bhikkhu, mayā dhammaṁ desitaṁ ājānāsī”ti? |
“If that is so, what then do you understand to be the purpose of teaching the Dhamma?” |
sn35.74:11.1 |
“Rāgavirāgatthaṁ khvāhaṁ, bhante, bhagavatā dhammaṁ desitaṁ ājānāmī”ti. |
“I understand that the Buddha has taught the Dhamma for the purpose of the fading away of greed.” |
sn35.74:12.1 |
“Sādhu sādhu, bhikkhu. |
“Good, good, mendicant! |
sn35.74:12.2 |
Sādhu kho tvaṁ, bhikkhu, rāgavirāgatthaṁ mayā dhammaṁ desitaṁ ājānāsi. |
It’s good that you understand that I’ve taught the Dhamma for the purpose of the fading away of greed. |
sn35.74:12.3 |
Rāgavirāgattho hi, bhikkhu, mayā dhammo desito. |
For that is indeed the purpose. |
sn35.74:12.4 |
Taṁ kiṁ maññasi, bhikkhu, |
What do you think, mendicant? |
sn35.74:12.5 |
cakkhu niccaṁ vā aniccaṁ vā”ti? |
Is the eye permanent or impermanent?” |
sn35.74:13.1 |
“Aniccaṁ, bhante”. |
“Impermanent, sir.” … |
sn35.74:14.1 |
“ …pe… |
|
sn35.74:14.2 |
Sotaṁ … |
“Is the ear … |
sn35.74:14.3 |
ghānaṁ … |
nose … |
sn35.74:14.4 |
jivhā … |
tongue … |
sn35.74:14.5 |
kāyo … |
body … |
sn35.74:14.6 |
mano nicco vā anicco vā”ti? |
mind permanent or impermanent?” |
sn35.74:15.1 |
“Anicco, bhante”. |
“Impermanent, sir.” |
sn35.74:16.1 |
“Yaṁ panāniccaṁ dukkhaṁ vā taṁ sukhaṁ vā”ti? |
“But if it’s impermanent, is it suffering or happiness?” |
sn35.74:17.1 |
“Dukkhaṁ, bhante”. |
“Suffering, sir.” |
sn35.74:18.1 |
“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: |
“But if it’s impermanent, suffering, and perishable, is it fit to be regarded thus: |
sn35.74:18.2 |
‘etaṁ mama, esohamasmi, eso me attā’”ti? |
‘This is mine, I am this, this is my self’?” |
sn35.74:19.1 |
“No hetaṁ, bhante”. |
“No, sir.” |
sn35.74:20.1 |
“Evaṁ passaṁ, bhikkhu, sutavā ariyasāvako cakkhusmimpi nibbindati, sotasmimpi nibbindati …pe… manasmimpi nibbindati. |
“Seeing this, a learned noble disciple grows disillusioned with the eye, ear, nose, tongue, body, and mind. |
sn35.74:20.2 |
Nibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti. |
Being disillusioned, desire fades away. When desire fades away they’re freed. When they’re freed, they know they’re freed. |
sn35.74:20.3 |
‘Khīṇā jāti …pe… nāparaṁ itthattāyā’ti pajānātī”ti. |
They understand: ‘Rebirth is ended … there is nothing further for this place.’” |
sn35.74:21.1 |
Idamavoca bhagavā. |
That is what the Buddha said. |
sn35.74:21.2 |
Attamano so bhikkhu bhagavato bhāsitaṁ abhinandi. |
Satisfied, that mendicant approved what the Buddha said. |
sn35.74:21.3 |
Imasmiñca pana veyyākaraṇasmiṁ bhaññamāne tassa bhikkhuno virajaṁ vītamalaṁ dhammacakkhuṁ udapādi: |
And while this discourse was being spoken, the stainless, immaculate vision of the Dhamma arose in that mendicant: |
sn35.74:21.4 |
“yaṁ kiñci samudayadhammaṁ sabbaṁ taṁ nirodhadhamman”ti. |
“Everything that is liable to arise is liable to cease.” |
sn35.74:21.5 |
Paṭhamaṁ. |
|