sn35.9:0.1 Saṁyutta Nikāya 35.9 Linked Discourses 35.9
sn35.9:0.2 1. Aniccavagga 1. Impermanence
sn35.9:0.3 Ajjhattānattātītānāgatasutta The Interior as Not-Self in the Three Times
sn35.9:1.1 “Cakkhuṁ, bhikkhave, anattā atītānāgataṁ; “Mendicants, the eye of the past and future is not-self,
sn35.9:1.2 ko pana vādo paccuppannassa. let alone the present.
sn35.9:1.3 Evaṁ passaṁ, bhikkhave, sutavā ariyasāvako atītasmiṁ cakkhusmiṁ anapekkho hoti; Seeing this, a learned noble disciple is not concerned with the eye of the past,
sn35.9:1.4 anāgataṁ cakkhuṁ nābhinandati; they don’t look forward to enjoying the eye in the future,
sn35.9:1.5 paccuppannassa cakkhussa nibbidāya virāgāya nirodhāya paṭipanno hoti. and they practice for disillusionment, dispassion, and cessation regarding the eye in the present. …”
sn35.9:1.6 Sotaṁ anattā …pe…  
sn35.9:1.7 ghānaṁ anattā …pe…  
sn35.9:1.8 jivhā anattā atītānāgatā;  
sn35.9:1.9 ko pana vādo paccuppannāya.  
sn35.9:1.10 Evaṁ passaṁ, bhikkhave, sutavā ariyasāvako atītāya jivhāya anapekkho hoti;  
sn35.9:1.11 anāgataṁ jivhaṁ nābhinandati;  
sn35.9:1.12 paccuppannāya jivhāya nibbidāya virāgāya nirodhāya paṭipanno hoti.  
sn35.9:1.13 Kāyo anattā …pe…  
sn35.9:1.14 mano anattā atītānāgato;  
sn35.9:1.15 ko pana vādo paccuppannassa.  
sn35.9:1.16 Evaṁ passaṁ, bhikkhave, sutavā ariyasāvako atītasmiṁ manasmiṁ anapekkho hoti;  
sn35.9:1.17 anāgataṁ manaṁ nābhinandati;  
sn35.9:1.18 paccuppannassa manassa nibbidāya virāgāya nirodhāya paṭipanno hotī”ti.  
sn35.9:1.19 Navamaṁ.