sn4.21:0.1 |
Saṁyutta Nikāya 4.21 |
Linked Discourses 4.21 |
sn4.21:0.2 |
3. Tatiyavagga |
3. Māra |
sn4.21:0.3 |
Sambahulasutta |
Several |
sn4.21:1.1 |
Evaṁ me sutaṁ— |
So I have heard. |
sn4.21:1.2 |
ekaṁ samayaṁ bhagavā sakkesu viharati silāvatiyaṁ. |
At one time the Buddha was staying in the land of the Sakyans near Silāvatī. |
sn4.21:1.3 |
Tena kho pana samayena sambahulā bhikkhū bhagavato avidūre appamattā ātāpino pahitattā viharanti. |
Now at that time several mendicants were meditating not far from the Buddha, diligent, keen, and resolute. |
sn4.21:1.4 |
Atha kho māro pāpimā brāhmaṇavaṇṇaṁ abhinimminitvā mahantena jaṭaṇḍuvena ajinakkhipanivattho jiṇṇo gopānasivaṅko ghurughurupassāsī udumbaradaṇḍaṁ gahetvā yena te bhikkhū tenupasaṅkami; upasaṅkamitvā te bhikkhū etadavoca: |
Then Māra the Wicked manifested in the form of a brahmin with a large matted dreadlock, wearing an antelope hide. He was old, bent double, wheezing, and held a staff made of cluster fig tree wood. He went up to those mendicants and said, |
sn4.21:1.5 |
“daharā bhavanto pabbajitā susū kāḷakesā bhadrena yobbanena samannāgatā paṭhamena vayasā anikkīḷitāvino kāmesu. |
“You’ve gone forth while young, reverends. With pristine black hair, you’re blessed with youth, in the prime of life, and you’ve never flirted with sensual pleasures. |
sn4.21:1.6 |
Bhuñjantu bhavanto mānusake kāme. |
Enjoy human sensual pleasures. |
sn4.21:1.7 |
Mā sandiṭṭhikaṁ hitvā kālikaṁ anudhāvitthā”ti. |
Don’t give up what is apparent in the present to chase after what takes effect over time.” |
sn4.21:1.8 |
“Na kho mayaṁ, brāhmaṇa, sandiṭṭhikaṁ hitvā kālikaṁ anudhāvāma. |
“Brahmin, that’s not what we’re doing. |
sn4.21:1.9 |
Kālikañca kho mayaṁ, brāhmaṇa, hitvā sandiṭṭhikaṁ anudhāvāma. |
We’re giving up what takes effect over time to chase after what is apparent in the present. |
sn4.21:1.10 |
Kālikā hi, brāhmaṇa, kāmā vuttā bhagavatā bahudukkhā bahupāyāsā, ādīnavo ettha bhiyyo. |
For the Buddha says that sensual pleasures take effect over time; they give much suffering and distress, and they are all the more full of drawbacks. |
sn4.21:1.11 |
Sandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī”ti. |
But this teaching is apparent in the present life, immediately effective, inviting inspection, relevant, so that sensible people can know it for themselves.” |
sn4.21:1.12 |
Evaṁ vutte, māro pāpimā sīsaṁ okampetvā jivhaṁ nillāletvā tivisākhaṁ nalāṭe nalāṭikaṁ vuṭṭhāpetvā daṇḍamolubbha pakkāmi. |
When they had spoken, Māra the Wicked shook his head, waggled his tongue, raised his eyebrows until his brow puckered in three furrows, and left leaning on his staff. |
sn4.21:2.1 |
Atha kho te bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: |
Then those mendicants went up to the Buddha, bowed, sat down to one side, and told him what had happened. The Buddha said, |
sn4.21:2.2 |
“idha mayaṁ, bhante, bhagavato avidūre appamattā ātāpino pahitattā viharāma. |
|
sn4.21:2.3 |
Atha kho, bhante, aññataro brāhmaṇo mahantena jaṭaṇḍuvena ajinakkhipanivattho jiṇṇo gopānasivaṅko ghurughurupassāsī udumbaradaṇḍaṁ gahetvā yena mayaṁ tenupasaṅkami; upasaṅkamitvā amhe etadavoca: |
|
sn4.21:2.4 |
‘daharā bhavanto pabbajitā susū kāḷakesā bhadrena yobbanena samannāgatā paṭhamena vayasā anikkīḷitāvino kāmesu. |
|
sn4.21:2.5 |
Bhuñjantu bhavanto mānusake kāme. |
|
sn4.21:2.6 |
Mā sandiṭṭhikaṁ hitvā kālikaṁ anudhāvitthā’ti. |
|
sn4.21:2.7 |
Evaṁ vutte, mayaṁ, bhante, taṁ brāhmaṇaṁ etadavocumha: |
|
sn4.21:2.8 |
‘na kho mayaṁ, brāhmaṇa, sandiṭṭhikaṁ hitvā kālikaṁ anudhāvāma. |
|
sn4.21:2.9 |
Kālikañca kho mayaṁ, brāhmaṇa, hitvā sandiṭṭhikaṁ anudhāvāma. |
|
sn4.21:2.10 |
Kālikā hi, brāhmaṇa, kāmā vuttā bhagavatā bahudukkhā bahupāyāsā, ādīnavo ettha bhiyyo. |
|
sn4.21:2.11 |
Sandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī’ti. |
|
sn4.21:2.12 |
Evaṁ vutte, bhante, so brāhmaṇo sīsaṁ okampetvā jivhaṁ nillāletvā tivisākhaṁ nalāṭe nalāṭikaṁ vuṭṭhāpetvā daṇḍamolubbha pakkanto”ti. |
|
sn4.21:3.1 |
“Neso, bhikkhave, brāhmaṇo. |
“Mendicants, that was no brahmin. |
sn4.21:3.2 |
Māro eso pāpimā tumhākaṁ vicakkhukammāya āgato”ti. |
That was Māra the Wicked who came to pull the wool over your eyes!” |
sn4.21:3.3 |
Atha kho bhagavā etamatthaṁ viditvā tāyaṁ velāyaṁ imaṁ gāthaṁ abhāsi: |
Then, understanding this matter, on that occasion the Buddha spoke this verse: |
sn4.21:4.1 |
“Yo dukkhamaddakkhi yatonidānaṁ, |
“When a personage has seen where suffering comes from |
sn4.21:4.2 |
Kāmesu so jantu kathaṁ nameyya; |
how could they incline toward sensual pleasures? |
sn4.21:4.3 |
Upadhiṁ viditvā saṅgoti loke, |
Realizing that attachment is a chain in the world, |
sn4.21:4.4 |
Tasseva jantu vinayāya sikkhe”ti. |
a personage would train to remove it.” |