sn45.2:0.1 |
Saṁyutta Nikāya 45.2 |
Linked Discourses 45.2 |
sn45.2:0.2 |
1. Avijjāvagga |
1. Ignorance |
sn45.2:0.3 |
Upaḍḍhasutta |
Half the Spiritual Life |
sn45.2:1.1 |
Evaṁ me sutaṁ— |
So I have heard. |
sn45.2:1.2 |
ekaṁ samayaṁ bhagavā sakyesu viharati nagarakaṁ nāma sakyānaṁ nigamo. |
At one time the Buddha was staying in the land of the Sakyans, where they have a town named Townsville. |
sn45.2:1.3 |
Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca: |
Then Venerable Ānanda went up to the Buddha, bowed, sat down to one side, and said to him: |
sn45.2:1.4 |
“upaḍḍhamidaṁ, bhante, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti. |
“Sir, good friends, companions, and associates are half the spiritual life.” |
sn45.2:2.1 |
“Mā hevaṁ, ānanda, mā hevaṁ, ānanda. |
“Not so, Ānanda! Not so, Ānanda! |
sn45.2:2.2 |
Sakalamevidaṁ, ānanda, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā. |
Good friends, companions, and associates are the whole of the spiritual life. |
sn45.2:2.3 |
Kalyāṇamittassetaṁ, ānanda, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—ariyaṁ aṭṭhaṅgikaṁ maggaṁ bhāvessati, ariyaṁ aṭṭhaṅgikaṁ maggaṁ bahulīkarissati. |
A mendicant with good friends, companions, and associates can expect to develop and cultivate the noble eightfold path. |
sn45.2:3.1 |
Kathañcānanda, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti? |
And how does a mendicant with good friends develop and cultivate the noble eightfold path? |
sn45.2:3.2 |
Idhānanda, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ; |
It’s when a mendicant develops right view, which relies on seclusion, fading away, and cessation, and ripens as letting go. |
sn45.2:3.3 |
sammāsaṅkappaṁ bhāveti vivekanissitaṁ …pe… |
They develop right purpose … |
sn45.2:3.4 |
sammāvācaṁ bhāveti …pe… |
right speech … |
sn45.2:3.5 |
sammākammantaṁ bhāveti …pe… |
right action … |
sn45.2:3.6 |
sammāājīvaṁ bhāveti …pe… |
right livelihood … |
sn45.2:3.7 |
sammāvāyāmaṁ bhāveti …pe… |
right effort … |
sn45.2:3.8 |
sammāsatiṁ bhāveti …pe… |
right mindfulness … |
sn45.2:3.9 |
sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. |
right immersion, which relies on seclusion, fading away, and cessation, and ripens as letting go. |
sn45.2:3.10 |
Evaṁ kho, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti. |
That’s how a mendicant with good friends develops and cultivates the noble eightfold path. |
sn45.2:4.1 |
Tadamināpetaṁ, ānanda, pariyāyena veditabbaṁ yathā sakalamevidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā. |
And here’s another way to understand how good friends are the whole of the spiritual life. |
sn45.2:4.2 |
Mamañhi, ānanda, kalyāṇamittaṁ āgamma jātidhammā sattā jātiyā parimuccanti; jarādhammā sattā jarāya parimuccanti; maraṇadhammā sattā maraṇena parimuccanti; sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti. |
For, by relying on me as a good friend, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things. |
sn45.2:4.3 |
Iminā kho etaṁ, ānanda, pariyāyena veditabbaṁ yathā sakalamevidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti. |
This is another way to understand how good friends are the whole of the spiritual life.” |
sn45.2:4.4 |
Dutiyaṁ. |
|