sn46.4:0.1 Saṁyutta Nikāya 46.4 Linked Discourses 46.4
sn46.4:0.2 1. Pabbatavagga 1. Mountains
sn46.4:0.3 Vatthasutta Clothes
sn46.4:1.1 Ekaṁ samayaṁ āyasmā sāriputto sāvatthiyaṁ viharati jetavane anāthapiṇḍikassa ārāme. At one time Venerable Sāriputta was staying near Sāvatthī in Jeta’s Grove, Anāthapiṇḍika’s monastery.
sn46.4:1.2 Tatra kho āyasmā sāriputto bhikkhū āmantesi: There Sāriputta addressed the mendicants:
sn46.4:1.3 “āvuso bhikkhavo”ti. “Reverends, mendicants!”
sn46.4:1.4 “Āvuso”ti kho te bhikkhū āyasmato sāriputtassa paccassosuṁ. “Reverend,” they replied.
sn46.4:1.5 Āyasmā sāriputto etadavoca: Sāriputta said this:
sn46.4:2.1 “Sattime, āvuso, bojjhaṅgā. “There are these seven awakening factors.
sn46.4:2.2 Katame satta? What seven?
sn46.4:2.3 Satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo— The awakening factors of mindfulness, investigation of principles, energy, rapture, tranquility, immersion, and equanimity.
sn46.4:2.4 ime kho, āvuso, satta bojjhaṅgā. These are the seven awakening factors.
sn46.4:2.5 Imesaṁ khvāhaṁ, āvuso, sattannaṁ bojjhaṅgānaṁ yena yena bojjhaṅgena ākaṅkhāmi pubbaṇhasamayaṁ viharituṁ, tena tena bojjhaṅgena pubbaṇhasamayaṁ viharāmi; In the morning, I meditate on whichever of these seven awakening factors I want.
sn46.4:2.6 yena yena bojjhaṅgena ākaṅkhāmi majjhanhikaṁ samayaṁ viharituṁ, tena tena bojjhaṅgena majjhanhikaṁ samayaṁ viharāmi; At midday,
sn46.4:2.7 yena yena bojjhaṅgena ākaṅkhāmi sāyanhasamayaṁ viharituṁ, tena tena bojjhaṅgena sāyanhasamayaṁ viharāmi. and in the evening, I meditate on whichever of these seven awakening factors I want.
sn46.4:2.8 Satisambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti, tiṭṭhantañca naṁ ‘tiṭṭhatī’ti pajānāmi. If it’s the awakening factor of mindfulness, I know that it’s limitless and that it’s properly implemented. While it remains I understand that it remains.
sn46.4:2.9 Sacepi me cavati, ‘idappaccayā me cavatī’ti pajānāmi …pe… And if it subsides in me I understand the specific reason it subsides. …
sn46.4:2.10 upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti, tiṭṭhantañca naṁ ‘tiṭṭhatī’ti pajānāmi. If it’s the awakening factor of equanimity, I know that it’s limitless and that it’s properly implemented. While it remains I understand that it remains.
sn46.4:2.11 Sacepi me cavati, ‘idappaccayā me cavatī’ti pajānāmi. And if it subsides I understand the specific reason it subsides.
sn46.4:3.1 Seyyathāpi, āvuso, rañño vā rājamahāmattassa vā nānārattānaṁ dussānaṁ dussakaraṇḍako pūro assa. Suppose that a ruler or their chief minister had a chest full of garments of different colors.
sn46.4:3.2 So yaññadeva dussayugaṁ ākaṅkheyya pubbaṇhasamayaṁ pārupituṁ, taṁ tadeva dussayugaṁ pubbaṇhasamayaṁ pārupeyya; In the morning, they’d don whatever pair of garments they wanted.
sn46.4:3.3 yaññadeva dussayugaṁ ākaṅkheyya majjhanhikaṁ samayaṁ pārupituṁ, taṁ tadeva dussayugaṁ majjhanhikaṁ samayaṁ pārupeyya; At midday,
sn46.4:3.4 yaññadeva dussayugaṁ ākaṅkheyya sāyanhasamayaṁ pārupituṁ, taṁ tadeva dussayugaṁ sāyanhasamayaṁ pārupeyya. and in the evening, they’d don whatever pair of garments they wanted.
sn46.4:3.5 Evameva khvāhaṁ, āvuso, imesaṁ sattannaṁ bojjhaṅgānaṁ yena yena bojjhaṅgena ākaṅkhāmi pubbaṇhasamayaṁ viharituṁ, tena tena bojjhaṅgena pubbaṇhasamayaṁ viharāmi; In the same way, in the morning,
sn46.4:3.6 yena yena bojjhaṅgena ākaṅkhāmi majjhanhikaṁ samayaṁ viharituṁ, tena tena bojjhaṅgena majjhanhikaṁ samayaṁ viharāmi; at midday,
sn46.4:3.7 yena yena bojjhaṅgena ākaṅkhāmi sāyanhasamayaṁ viharituṁ, tena tena bojjhaṅgena sāyanhasamayaṁ viharāmi. and in the evening, I meditate on whichever of these seven awakening factors I want.
sn46.4:3.8 Satisambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti, tiṭṭhantañca naṁ ‘tiṭṭhatī’ti pajānāmi. If it’s the awakening factor of mindfulness, I know that it’s limitless and that it’s properly implemented. While it remains I understand that it remains.
sn46.4:3.9 Sacepi me cavati, ‘idappaccayā me cavatī’ti pajānāmi …pe… And if it subsides I understand the specific reason it subsides. …
sn46.4:3.10 upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti, tiṭṭhantañca naṁ ‘tiṭṭhatī’ti pajānāmi. If it’s the awakening factor of equanimity, I know that it’s limitless and that it’s properly implemented. While it remains I understand that it remains.
sn46.4:3.11 Sacepi me cavati, ‘idappaccayā me cavatī’ti pajānāmī”ti. And if it subsides I understand the specific reason it subsides.”
sn46.4:3.12 Catutthaṁ.