sn46.52:0.1 |
Saṁyutta Nikāya 46.52 |
Linked Discourses 46.52 |
sn46.52:0.2 |
6. Sākacchavagga |
6. Discussion |
sn46.52:0.3 |
Pariyāyasutta |
Is There a Way? |
sn46.52:1.1 |
Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisiṁsu. |
Then several mendicants robed up in the morning and, taking their bowls and robes, entered Sāvatthī for alms. |
sn46.52:1.2 |
Atha kho tesaṁ bhikkhūnaṁ etadahosi: |
Then it occurred to him, |
sn46.52:1.3 |
“atippago kho tāva sāvatthiyaṁ piṇḍāya carituṁ. |
“It’s too early to wander for alms in Sāvatthī. |
sn46.52:1.4 |
Yannūna mayaṁ yena aññatitthiyānaṁ paribbājakānaṁ ārāmo tenupasaṅkameyyāmā”ti. |
Why don’t we visit the monastery for the wanderers of other religions?” |
sn46.52:2.1 |
Atha kho te bhikkhū yena aññatitthiyānaṁ paribbājakānaṁ ārāmo tenupasaṅkamiṁsu; upasaṅkamitvā tehi aññatitthiyehi paribbājakehi saddhiṁ sammodiṁsu. |
Then they went to the monastery for the wanderers of other religions and exchanged greetings with the wanderers there. |
sn46.52:2.2 |
Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinne kho te bhikkhū aññatitthiyā paribbājakā etadavocuṁ: |
When the greetings and polite conversation were over, they sat down to one side. The wanderers said to them: |
sn46.52:3.1 |
“Samaṇo, āvuso, gotamo sāvakānaṁ evaṁ dhammaṁ deseti: |
“Reverends, the ascetic Gotama teaches his disciples like this: |
sn46.52:3.2 |
‘etha tumhe, bhikkhave, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṁ bhāvethā’ti. |
‘Mendicants, please give up the five hindrances—corruptions of the heart that weaken wisdom—and truly develop the seven awakening factors.’ |
sn46.52:3.3 |
Mayampi kho, āvuso, sāvakānaṁ evaṁ dhammaṁ desema: |
We too teach our disciples: |
sn46.52:3.4 |
‘etha tumhe, āvuso, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṁ bhāvethā’ti. |
‘Reverends, please give up the five hindrances—corruptions of the heart that weaken wisdom—and truly develop the seven awakening factors.’ |
sn46.52:3.5 |
Idha no, āvuso, ko viseso, ko adhippayāso, kiṁ nānākaraṇaṁ samaṇassa vā gotamassa amhākaṁ vā, yadidaṁ—dhammadesanāya vā dhammadesanaṁ, anusāsaniyā vā anusāsanin”ti? |
What, then, is the difference between the ascetic Gotama’s teaching and instruction and ours?” |
sn46.52:4.1 |
Atha kho te bhikkhū tesaṁ aññatitthiyānaṁ paribbājakānaṁ bhāsitaṁ neva abhinandiṁsu nappaṭikkosiṁsu; |
Those mendicants neither approved nor rejected that statement of the wanderers of other religions. |
sn46.52:4.2 |
anabhinanditvā appaṭikkositvā uṭṭhāyāsanā pakkamiṁsu: |
They rose from their seats, thinking: |
sn46.52:4.3 |
“bhagavato santike etassa bhāsitassa atthaṁ ājānissāmā”ti. |
“We will learn the meaning of this statement from the Buddha himself.” |
sn46.52:4.4 |
Atha kho te bhikkhū sāvatthiṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: |
Then, after the meal, when they returned from almsround, they went up to the Buddha, bowed, sat down to one side, and told him what had happened. |
sn46.52:5.1 |
“Idha mayaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisimha. |
|
sn46.52:5.2 |
Tesaṁ no, bhante, amhākaṁ etadahosi: |
|
sn46.52:5.3 |
‘atippago kho tāva sāvatthiyaṁ piṇḍāya carituṁ, |
|
sn46.52:5.4 |
yannūna mayaṁ yena aññatitthiyānaṁ paribbājakānaṁ ārāmo tenupasaṅkameyyāmā’ti. |
|
sn46.52:5.5 |
Atha kho mayaṁ, bhante, yena aññatitthiyānaṁ paribbājakānaṁ ārāmo tenupasaṅkamimha; upasaṅkamitvā tehi aññatitthiyehi paribbājakehi saddhiṁ sammodimha. |
|
sn46.52:5.6 |
Sammodanīyaṁ kathaṁ sāraṇīyaṁ vītisāretvā ekamantaṁ nisīdimha. Ekamantaṁ nisinne kho amhe, bhante, aññatitthiyā paribbājakā etadavocuṁ: |
|
sn46.52:6.1 |
‘Samaṇo, āvuso, gotamo sāvakānaṁ evaṁ dhammaṁ deseti “etha tumhe, bhikkhave, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṁ bhāvethā”ti. |
|
sn46.52:6.2 |
Mayampi kho, āvuso, sāvakānaṁ evaṁ dhammaṁ desema: |
|
sn46.52:6.3 |
“etha tumhe, āvuso, pañca nīvaraṇe pahāya cetaso upakkilese paññāya dubbalīkaraṇe satta bojjhaṅge yathābhūtaṁ bhāvethā”ti. |
|
sn46.52:6.4 |
Idha no, āvuso, ko viseso, ko adhippayāso, kiṁ nānākaraṇaṁ samaṇassa vā gotamassa amhākaṁ vā, yadidaṁ—dhammadesanāya vā dhammadesanaṁ, anusāsaniyā vā anusāsanin’ti? |
|
sn46.52:7.1 |
Atha kho mayaṁ, bhante, tesaṁ aññatitthiyānaṁ paribbājakānaṁ bhāsitaṁ neva abhinandimha nappaṭikkosimha, anabhinanditvā appaṭikkositvā uṭṭhāyāsanā pakkamimha: |
|
sn46.52:7.2 |
‘bhagavato santike etassa bhāsitassa atthaṁ ājānissāmā’”ti. |
|
sn46.52:8.1 |
“Evaṁvādino, bhikkhave, aññatitthiyā paribbājakā evamassu vacanīyā: |
“Mendicants, when wanderers of other religions say this, you should say to them: |
sn46.52:8.2 |
‘atthi panāvuso, pariyāyo, yaṁ pariyāyaṁ āgamma pañca nīvaraṇā dasa honti, satta bojjhaṅgā catuddasā’ti. |
‘But reverends, is there a way in which the five hindrances become ten and the seven awakening factors become fourteen?’ |
sn46.52:8.3 |
Evaṁ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṁ āpajjissanti. |
Questioned like this, the wanderers of other religions would be stumped, and, in addition, would get frustrated. |
sn46.52:8.4 |
Taṁ kissa hetu? |
Why is that? |
sn46.52:8.5 |
Yathā taṁ, bhikkhave, avisayasmiṁ. |
Because they’re out of their element. |
sn46.52:8.6 |
Nāhaṁ taṁ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo imesaṁ pañhānaṁ veyyākaraṇena cittaṁ ārādheyya, aññatra tathāgatena vā tathāgatasāvakena vā ito vā pana sutvā. |
I don’t see anyone in this world—with its gods, Māras, and divinities, this population with its ascetics and brahmins, its gods and humans—who could provide a satisfying answer to these questions except the Realized One or his disciple or someone who has heard it from them. |
sn46.52:9.1 |
Katamo ca, bhikkhave, pariyāyo, yaṁ pariyāyaṁ āgamma pañca nīvaraṇā dasa honti? |
And what is the way in which the five hindrances become ten? |
sn46.52:9.2 |
Yadapi, bhikkhave, ajjhattaṁ kāmacchando tadapi nīvaraṇaṁ, yadapi bahiddhā kāmacchando tadapi nīvaraṇaṁ. |
Sensual desire for what is internal is a hindrance; and sensual desire for what is external is also a hindrance. |
sn46.52:9.3 |
‘Kāmacchandanīvaraṇan’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the hindrance of sensual desire’ becomes twofold. |
sn46.52:9.4 |
Yadapi, bhikkhave, ajjhattaṁ byāpādo tadapi nīvaraṇaṁ, yadapi bahiddhā byāpādo tadapi nīvaraṇaṁ. |
Ill will for what is internal is a hindrance; and ill will for what is external is also a hindrance. |
sn46.52:9.5 |
‘Byāpādanīvaraṇan’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the hindrance of ill will’ becomes twofold. |
sn46.52:9.6 |
Yadapi, bhikkhave, thinaṁ tadapi nīvaraṇaṁ, yadapi middhaṁ tadapi nīvaraṇaṁ. |
Dullness is a hindrance; and drowsiness is also a hindrance. |
sn46.52:9.7 |
‘Thinamiddhanīvaraṇan’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the hindrance of dullness and drowsiness’ becomes twofold. |
sn46.52:9.8 |
Yadapi, bhikkhave, uddhaccaṁ tadapi nīvaraṇaṁ, yadapi kukkuccaṁ tadapi nīvaraṇaṁ. |
Restlessness is a hindrance; and remorse is also a hindrance. |
sn46.52:9.9 |
‘Uddhaccakukkuccanīvaraṇan’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the hindrance of restlessness and remorse’ becomes twofold. |
sn46.52:9.10 |
Yadapi, bhikkhave, ajjhattaṁ dhammesu vicikicchā tadapi nīvaraṇaṁ, yadapi bahiddhā dhammesu vicikicchā tadapi nīvaraṇaṁ. |
Doubt about internal things is a hindrance; and doubt about external things is also a hindrance. |
sn46.52:9.11 |
‘Vicikicchānīvaraṇan’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the hindrance of doubt’ becomes twofold. |
sn46.52:9.12 |
Ayaṁ kho, bhikkhave, pariyāyo, yaṁ pariyāyaṁ āgamma pañca nīvaraṇā dasa honti. |
This is the way in which the five hindrances become ten. |
sn46.52:10.1 |
Katamo ca, bhikkhave, pariyāyo, yaṁ pariyāyaṁ āgamma satta bojjhaṅgā catuddasa honti? |
And what is the way in which the seven awakening factors become fourteen? |
sn46.52:10.2 |
Yadapi, bhikkhave, ajjhattaṁ dhammesu sati tadapi satisambojjhaṅgo, yadapi bahiddhā dhammesu sati tadapi satisambojjhaṅgo. |
Mindfulness of internal things is the awakening factor of mindfulness; and mindfulness of external things is also the awakening factor of mindfulness. |
sn46.52:10.3 |
‘Satisambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the awakening factor of mindfulness’ becomes twofold. |
sn46.52:11.1 |
Yadapi, bhikkhave, ajjhattaṁ dhammesu paññāya pavicinati pavicarati parivīmaṁsamāpajjati tadapi dhammavicayasambojjhaṅgo, yadapi bahiddhā dhammesu paññāya pavicinati pavicarati parivīmaṁsamāpajjati tadapi dhammavicayasambojjhaṅgo. |
Investigating, exploring, and inquiring into internal things with wisdom is the awakening factor of investigation of principles; and investigating, exploring, and inquiring into external things with wisdom is also the awakening factor of investigation of principles. |
sn46.52:11.2 |
‘Dhammavicayasambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the awakening factor of investigation of principles’ becomes twofold. |
sn46.52:12.1 |
Yadapi, bhikkhave, kāyikaṁ vīriyaṁ tadapi vīriyasambojjhaṅgo, yadapi cetasikaṁ vīriyaṁ tadapi vīriyasambojjhaṅgo. |
Physical energy is the awakening factor of energy; and mental energy is also the awakening factor of energy. |
sn46.52:12.2 |
‘Vīriyasambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
That’s how what is concisely referred to as ‘the awakening factor of energy’ becomes twofold. |
sn46.52:13.1 |
Yadapi, bhikkhave, savitakkasavicārā pīti tadapi pītisambojjhaṅgo, yadapi avitakkaavicārā pīti tadapi pītisambojjhaṅgo. |
Rapture while placing the mind and keeping it connected is the awakening factor of rapture; and rapture without placing the mind and keeping it connected is also the awakening factor of rapture. |
sn46.52:13.2 |
‘Pītisambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
In this way what is concisely referred to as ‘the awakening factor of rapture’ becomes twofold. |
sn46.52:14.1 |
Yadapi, bhikkhave, kāyappassaddhi tadapi passaddhisambojjhaṅgo, yadapi cittappassaddhi tadapi passaddhisambojjhaṅgo. |
Physical tranquility is the awakening factor of tranquility; and mental tranquility is also the awakening factor of tranquility. |
sn46.52:14.2 |
‘Passaddhisambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
In this way what is concisely referred to as ‘the awakening factor of tranquility’ becomes twofold. |
sn46.52:15.1 |
Yadapi, bhikkhave, savitakko savicāro samādhi tadapi samādhisambojjhaṅgo, yadapi avitakkaavicāro samādhi tadapi samādhisambojjhaṅgo. |
Immersion while placing the mind and keeping it connected is the awakening factor of immersion; and immersion without placing the mind and keeping it connected is also the awakening factor of immersion. |
sn46.52:15.2 |
‘Samādhisambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
In this way what is concisely referred to as ‘the awakening factor of immersion’ becomes twofold. |
sn46.52:16.1 |
Yadapi, bhikkhave, ajjhattaṁ dhammesu upekkhā tadapi upekkhāsambojjhaṅgo, yadapi bahiddhā dhammesu upekkhā tadapi upekkhāsambojjhaṅgo. |
Equanimity for internal things is the awakening factor of equanimity; and equanimity for external things is also the awakening factor of equanimity. |
sn46.52:16.2 |
‘Upekkhāsambojjhaṅgo’ti iti hidaṁ uddesaṁ gacchati. Tadamināpetaṁ pariyāyena dvayaṁ hoti. |
In this way what is concisely referred to as ‘the awakening factor of equanimity’ becomes twofold. |
sn46.52:16.3 |
Ayaṁ kho, bhikkhave, pariyāyo, yaṁ pariyāyaṁ āgamma satta bojjhaṅgā catuddasā”ti. |
This is the way in which the seven awakening factors become fourteen.” |
sn46.52:16.4 |
Dutiyaṁ. |
|