sn46.53:0.1 |
Saṁyutta Nikāya 46.53 |
Linked Discourses 46.53 |
sn46.53:0.2 |
6. Sākacchavagga |
6. Discussion |
sn46.53:0.3 |
Aggisutta |
Fire |
sn46.53:1.1 |
Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisiṁsu. |
Then several mendicants robed up in the morning and, taking their bowls and robes, entered Sāvatthī for alms. |
sn46.53:1.2 |
(Pariyāyasuttasadisaṁ.) |
(The same as the previous discourse.) |
sn46.53:2.1 |
“Evaṁvādino, bhikkhave, aññatitthiyā paribbājakā evamassu vacanīyā: |
“Mendicants, when wanderers of other religions say this, you should say to them: |
sn46.53:2.2 |
‘yasmiṁ, āvuso, samaye līnaṁ cittaṁ hoti, katamesaṁ tasmiṁ samaye bojjhaṅgānaṁ akālo bhāvanāya, katamesaṁ tasmiṁ samaye bojjhaṅgānaṁ kālo bhāvanāya? |
‘Reverends, which awakening factors should not be developed when the mind is sluggish? And which awakening factors should be developed at that time? |
sn46.53:2.3 |
Yasmiṁ panāvuso, samaye uddhataṁ cittaṁ hoti, katamesaṁ tasmiṁ samaye bojjhaṅgānaṁ akālo bhāvanāya, katamesaṁ tasmiṁ samaye bojjhaṅgānaṁ kālo bhāvanāyā’ti? |
Which awakening factors should not be developed when the mind is restless? And which awakening factors should be developed at that time?’ |
sn46.53:2.4 |
Evaṁ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṁ āpajjissanti. |
Questioned like this, the wanderers of other religions would be stumped, and, in addition, would get frustrated. |
sn46.53:2.5 |
Taṁ kissa hetu? |
Why is that? |
sn46.53:2.6 |
Yathā taṁ, bhikkhave, avisayasmiṁ. |
Because they’re out of their element. |
sn46.53:3.1 |
Nāhaṁ taṁ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṁ pañhānaṁ veyyākaraṇena cittaṁ ārādheyya, aññatra tathāgatena vā tathāgatasāvakena vā ito vā pana sutvā. |
I don’t see anyone in this world—with its gods, Māras, and divinities, this population with its ascetics and brahmins, its gods and humans—who could provide a satisfying answer to these questions except the Realized One or his disciple or someone who has heard it from them. |
sn46.53:4.1 |
Yasmiṁ, bhikkhave, samaye līnaṁ cittaṁ hoti, akālo tasmiṁ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. |
When the mind is sluggish, it’s the wrong time to develop the awakening factors of tranquility, immersion, and equanimity. |
sn46.53:4.2 |
Taṁ kissa hetu? |
Why is that? |
sn46.53:4.3 |
Līnaṁ, bhikkhave, cittaṁ taṁ etehi dhammehi dussamuṭṭhāpayaṁ hoti. |
Because it’s hard to stimulate a sluggish mind with these things. |
sn46.53:5.1 |
Seyyathāpi, bhikkhave, puriso parittaṁ aggiṁ ujjāletukāmo assa. |
Suppose someone wanted to make a small fire flare up. |
sn46.53:5.2 |
So tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṁsukena ca okireyya; |
If they toss wet grass, cow-dung, and timber on it, spray it with water, and scatter dirt on it, |
sn46.53:5.3 |
bhabbo nu kho so puriso parittaṁ aggiṁ ujjāletun”ti? |
could they make it flare up?” |
sn46.53:5.4 |
“No hetaṁ, bhante”. |
“No, sir.” |
sn46.53:6.1 |
“Evameva kho, bhikkhave, yasmiṁ samaye līnaṁ cittaṁ hoti, akālo tasmiṁ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. |
“In the same way, when the mind is sluggish, it’s the wrong time to develop the awakening factors of tranquility, immersion, and equanimity. |
sn46.53:6.2 |
Taṁ kissa hetu? |
Why is that? |
sn46.53:6.3 |
Līnaṁ, bhikkhave, cittaṁ taṁ etehi dhammehi dussamuṭṭhāpayaṁ hoti. |
Because it’s hard to stimulate a sluggish mind with these things. |
sn46.53:7.1 |
Yasmiñca kho, bhikkhave, samaye līnaṁ cittaṁ hoti, kālo tasmiṁ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. |
When the mind is sluggish, it’s the right time to develop the awakening factors of investigation of principles, energy, and rapture. |
sn46.53:7.2 |
Taṁ kissa hetu? |
Why is that? |
sn46.53:7.3 |
Līnaṁ, bhikkhave, cittaṁ taṁ etehi dhammehi susamuṭṭhāpayaṁ hoti. |
Because it’s easy to stimulate a sluggish mind with these things. |
sn46.53:8.1 |
Seyyathāpi, bhikkhave, puriso parittaṁ aggiṁ ujjāletukāmo assa. |
Suppose someone wanted to make a small fire flare up. |
sn46.53:8.2 |
So tattha sukkhāni ceva tiṇāni pakkhipeyya, sukkhāni gomayāni pakkhipeyya, sukkhāni kaṭṭhāni pakkhipeyya, mukhavātañca dadeyya, na ca paṁsukena okireyya; |
If they toss dry grass, cow-dung, and timber on it, blow on it, and don’t scatter dirt on it, |
sn46.53:8.3 |
bhabbo nu kho so puriso parittaṁ aggiṁ ujjāletun”ti? |
could they make it flare up?” |
sn46.53:8.4 |
“Evaṁ, bhante”. |
“Yes, sir.” |
sn46.53:9.1 |
“Evameva kho, bhikkhave, yasmiṁ samaye līnaṁ cittaṁ hoti, kālo tasmiṁ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. |
“In the same way, when the mind is sluggish, it’s the right time to develop the awakening factors of investigation of principles, energy, and rapture. |
sn46.53:9.2 |
Taṁ kissa hetu? |
Why is that? |
sn46.53:9.3 |
Līnaṁ, bhikkhave, cittaṁ taṁ etehi dhammehi susamuṭṭhāpayaṁ hoti. |
Because it’s easy to stimulate a sluggish mind with these things. |
sn46.53:10.1 |
Yasmiṁ, bhikkhave, samaye uddhataṁ cittaṁ hoti, akālo tasmiṁ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. |
When the mind is restless, it’s the wrong time to develop the awakening factors of investigation of principles, energy, and rapture. |
sn46.53:10.2 |
Taṁ kissa hetu? |
Why is that? |
sn46.53:10.3 |
Uddhataṁ, bhikkhave, cittaṁ taṁ etehi dhammehi duvūpasamayaṁ hoti. |
Because it’s hard to settle a restless mind with these things. |
sn46.53:11.1 |
Seyyathāpi, bhikkhave, puriso mahantaṁ aggikkhandhaṁ nibbāpetukāmo assa. |
Suppose someone wanted to extinguish a great mass of fire. |
sn46.53:11.2 |
So tattha sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya, mukhavātañca dadeyya, na ca paṁsukena okireyya; |
If they toss dry grass, cow-dung, and timber on it, blow on it, and don’t scatter dirt on it, |
sn46.53:11.3 |
bhabbo nu kho so puriso mahantaṁ aggikkhandhaṁ nibbāpetun”ti? |
could they extinguish it?” |
sn46.53:11.4 |
“No hetaṁ, bhante”. |
“No, sir.” |
sn46.53:12.1 |
“Evameva kho, bhikkhave, yasmiṁ samaye uddhataṁ cittaṁ hoti, akālo tasmiṁ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. |
“In the same way, when the mind is restless, it’s the wrong time to develop the awakening factors of investigation of principles, energy, and rapture. |
sn46.53:12.2 |
Taṁ kissa hetu? |
Why is that? |
sn46.53:12.3 |
Uddhataṁ, bhikkhave, cittaṁ taṁ etehi dhammehi duvūpasamayaṁ hoti. |
Because it’s hard to settle a restless mind with these things. |
sn46.53:13.1 |
Yasmiñca kho, bhikkhave, samaye uddhataṁ cittaṁ hoti, kālo tasmiṁ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. |
When the mind is restless, it’s the right time to develop the awakening factors of tranquility, immersion, and equanimity. |
sn46.53:13.2 |
Taṁ kissa hetu? |
Why is that? |
sn46.53:13.3 |
Uddhataṁ, bhikkhave, cittaṁ taṁ etehi dhammehi suvūpasamayaṁ hoti. |
Because it’s easy to settle a restless mind with these things. |
sn46.53:14.1 |
Seyyathāpi, bhikkhave, puriso mahantaṁ aggikkhandhaṁ nibbāpetukāmo assa. |
Suppose someone wanted to extinguish a great mass of fire. |
sn46.53:14.2 |
So tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṁsukena ca okireyya; |
If they toss wet grass, cow-dung, and timber on it, spray it with water, and scatter dirt on it, |
sn46.53:14.3 |
bhabbo nu kho so puriso mahantaṁ aggikkhandhaṁ nibbāpetun”ti? |
could they extinguish it?” |
sn46.53:14.4 |
“Evaṁ, bhante”. |
“Yes, sir.” |
sn46.53:15.1 |
“Evameva kho, bhikkhave, yasmiṁ samaye uddhataṁ cittaṁ hoti, kālo tasmiṁ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. |
“In the same way, when the mind is restless, it’s the right time to develop the awakening factors of tranquility, immersion, and equanimity. |
sn46.53:15.2 |
Taṁ kissa hetu? |
Why is that? |
sn46.53:15.3 |
Uddhataṁ, bhikkhave, cittaṁ taṁ etehi dhammehi suvūpasamayaṁ hoti. |
Because it’s easy to settle a restless mind with these things. |
sn46.53:15.4 |
Satiñca khvāhaṁ, bhikkhave, sabbatthikaṁ vadāmī”ti. |
But mindfulness is always useful, I say.” |
sn46.53:15.5 |
Tatiyaṁ. |
|