sn52.4:0.1 |
Saṁyutta Nikāya 52.4 |
Linked Discourses 52.4 |
sn52.4:0.2 |
1. Rahogatavagga |
1. In Private |
sn52.4:0.3 |
Paṭhamakaṇḍakīsutta |
At Thorny Wood (1st) |
sn52.4:1.1 |
Ekaṁ samayaṁ āyasmā ca anuruddho āyasmā ca sāriputto āyasmā ca mahāmoggallāno sākete viharanti kaṇḍakīvane. |
At one time the venerables Anuruddha, Sāriputta, and Mahāmoggallāna were staying near Sāketa in the Thorny Wood. |
sn52.4:1.2 |
Atha kho āyasmā ca sāriputto āyasmā ca mahāmoggallāno sāyanhasamayaṁ paṭisallānā vuṭṭhitā yenāyasmā anuruddho tenupasaṅkamiṁsu; upasaṅkamitvā āyasmatā anuruddhena saddhiṁ sammodiṁsu. |
Then in the late afternoon, Sāriputta and Mahāmoggallāna came out of retreat, went to Anuruddha, and exchanged greetings with him. |
sn52.4:1.3 |
Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinno kho āyasmā sāriputto āyasmantaṁ anuruddhaṁ etadavoca: |
When the greetings and polite conversation were over, they sat down to one side. Sāriputta said to Anuruddha: |
sn52.4:1.4 |
“sekhenāvuso anuruddha, bhikkhunā katame dhammā upasampajja vihātabbā”ti? |
“Reverend Anuruddha, what things should a trainee mendicant enter and remain in?” |
sn52.4:2.1 |
“Sekhenāvuso sāriputta, bhikkhunā cattāro satipaṭṭhānā upasampajja vihātabbā. |
“Reverend Sāriputta, a trainee mendicant should enter and remain in the four kinds of mindfulness meditation. |
sn52.4:2.2 |
Katame cattāro? |
What four? |
sn52.4:2.3 |
Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ; |
It’s when a mendicant meditates by observing an aspect of the body—keen, aware, and mindful, rid of covetousness and displeasure for the world. |
sn52.4:2.4 |
vedanāsu …pe… |
They meditate observing an aspect of feelings … |
sn52.4:2.5 |
citte …pe… |
mind … |
sn52.4:2.6 |
dhammesu dhammānupassī viharati ātāpī sampajāno satimā, vineyya loke abhijjhādomanassaṁ— |
principles—keen, aware, and mindful, rid of covetousness and displeasure for the world. |
sn52.4:2.7 |
sekhenāvuso sāriputta, bhikkhunā ime cattāro satipaṭṭhānā upasampajja vihātabbā”ti. |
A trainee mendicant should enter and remain in these four kinds of mindfulness meditation.” |
sn52.4:2.8 |
Catutthaṁ. |
|