sn52.8:0.1 |
Saṁyutta Nikāya 52.8 |
Linked Discourses 52.8 |
sn52.8:0.2 |
1. Rahogatavagga |
1. In Private |
sn52.8:0.3 |
Salaḷāgārasutta |
The Salaḷa Tree Hut |
sn52.8:1.1 |
Ekaṁ samayaṁ āyasmā anuruddho sāvatthiyaṁ viharati salaḷāgāre. |
At one time Venerable Anuruddha was staying near Sāvatthī in the salaḷa tree hut. |
sn52.8:1.2 |
Tatra kho āyasmā anuruddho bhikkhū āmantesi …pe… etadavoca: |
There Venerable Anuruddha addressed the mendicants: |
sn52.8:1.3 |
“seyyathāpi, āvuso, gaṅgā nadī pācīnaninnā pācīnapoṇā pācīnapabbhārā. |
“Reverends, suppose that, although the Ganges River slants, slopes, and inclines to the east, |
sn52.8:1.4 |
Atha mahājanakāyo āgaccheyya kudālapiṭakaṁ ādāya: |
a large crowd were to come along with a spade and basket, saying: |
sn52.8:1.5 |
‘mayaṁ imaṁ gaṅgānadiṁ pacchāninnaṁ karissāma pacchāpoṇaṁ pacchāpabbhāran’ti. |
‘We’ll make this Ganges River slant, slope, and incline to the west!’ |
sn52.8:1.6 |
Taṁ kiṁ maññathāvuso, api nu so mahājanakāyo gaṅgānadiṁ pacchāninnaṁ kareyya pacchāpoṇaṁ pacchāpabbhāran”ti? |
What do you think, reverends? Would they succeed?” |
sn52.8:1.7 |
“No hetaṁ, āvuso”. |
“No, reverend. |
sn52.8:1.8 |
“Taṁ kissa hetu”? |
Why is that? |
sn52.8:1.9 |
“Gaṅgā, āvuso, nadī pācīnaninnā pācīnapoṇā pācīnapabbhārā. |
The Ganges River slants, slopes, and inclines to the east. |
sn52.8:1.10 |
Sā na sukarā pacchāninnaṁ kātuṁ pacchāpoṇaṁ pacchāpabbhāraṁ. |
It’s not easy to make it slant, slope, and incline to the west. |
sn52.8:1.11 |
Yāvadeva ca pana so mahājanakāyo kilamathassa vighātassa bhāgī assā”ti. |
That large crowd will eventually get weary and frustrated.” |
sn52.8:2.1 |
“Evameva kho, āvuso, bhikkhuṁ cattāro satipaṭṭhāne bhāventaṁ cattāro satipaṭṭhāne bahulīkarontaṁ rājāno vā rājamahāmattā vā mittā vā amaccā vā ñātī vā sālohitā vā bhogehi abhihaṭṭhuṁ pavāreyyuṁ: |
“In the same way, while a mendicant develops and cultivates the four kinds of mindfulness meditation, if rulers or their chief ministers, friends or colleagues, relatives or family should invite them to accept wealth, saying: |
sn52.8:2.2 |
‘ehambho purisa, kiṁ te ime kāsāvā anudahanti? |
‘Please, my man, why let these ocher robes torment you? |
sn52.8:2.3 |
Kiṁ muṇḍo kapālamanusañcarasi? |
Why follow the practice of shaving your head and carrying an alms bowl? |
sn52.8:2.4 |
Ehi hīnāyāvattitvā bhoge ca bhuñjassu puññāni ca karohī’ti. |
Come, return to a lesser life, enjoy wealth, and make merit!’ |
sn52.8:3.1 |
So vata, āvuso, bhikkhu cattāro satipaṭṭhāne bhāvento cattāro satipaṭṭhāne bahulīkaronto sikkhaṁ paccakkhāya hīnāyāvattissatīti—netaṁ ṭhānaṁ vijjati. |
It is quite impossible for a mendicant who is developing and cultivating the four kinds of mindfulness meditation to resign the training and return to a lesser life. |
sn52.8:3.2 |
Taṁ kissa hetu? |
Why is that? |
sn52.8:3.3 |
Yañhi taṁ, āvuso, cittaṁ dīgharattaṁ vivekaninnaṁ vivekapoṇaṁ vivekapabbhāraṁ taṁ vata hīnāyāvattissatīti—netaṁ ṭhānaṁ vijjati. |
Because for a long time that mendicant’s mind has slanted, sloped, and inclined to seclusion. So it’s impossible for them to return to a lesser life. |
sn52.8:3.4 |
Kathañcāvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotīti? |
And how does a mendicant develop and cultivate the four kinds of mindfulness meditation? |
sn52.8:3.5 |
Idhāvuso, bhikkhu kāye kāyānupassī viharati …pe… |
It’s when a mendicant meditates by observing an aspect of the body … |
sn52.8:3.6 |
vedanāsu …pe… |
feelings … |
sn52.8:3.7 |
citte …pe… |
mind … |
sn52.8:3.8 |
dhammesu dhammānupassī viharati ātāpī sampajāno satimā, vineyya loke abhijjhādomanassaṁ. |
principles—keen, aware, and mindful, rid of covetousness and displeasure for the world. |
sn52.8:3.9 |
Evaṁ kho, āvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotī”ti. |
That’s how a mendicant develops and cultivates the four kinds of mindfulness meditation.” |
sn52.8:3.10 |
Aṭṭhamaṁ. |
|