sn56.1:0.1 Saṁyutta Nikāya 56.1 Linked Discourses 56.1
sn56.1:0.2 1. Samādhivagga 1. Immersion
sn56.1:0.3 Samādhisutta Immersion
sn56.1:1.1 Sāvatthinidānaṁ. At Sāvatthī.
sn56.1:1.2 …pe…  
sn56.1:1.3 “Samādhiṁ, bhikkhave, bhāvetha. “Mendicants, develop immersion.
sn56.1:1.4 Samāhito, bhikkhave, bhikkhu yathābhūtaṁ pajānāti. A mendicant who has immersion truly understands.
sn56.1:1.5 Kiñca yathābhūtaṁ pajānāti? What do they truly understand?
sn56.1:1.6 ‘Idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti. They truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.
sn56.1:1.7 Samādhiṁ, bhikkhave, bhāvetha. Develop immersion.
sn56.1:1.8 Samāhito, bhikkhave, bhikkhu yathābhūtaṁ pajānāti. A mendicant who has immersion truly understands.
sn56.1:2.1 Tasmātiha, bhikkhave, ‘idaṁ dukkhan’ti yogo karaṇīyo, ‘ayaṁ dukkhasamudayo’ti yogo karaṇīyo, ‘ayaṁ dukkhanirodho’ti yogo karaṇīyo, ‘ayaṁ dukkhanirodhagāminī paṭipadā’ti yogo karaṇīyo”ti. That’s why you should practice meditation to understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.”
sn56.1:2.2 Paṭhamaṁ.